Team Chabuk-Gujarat Desk: પાલનપુરનાં નવા બસ પોર્ટ નજીક એક બિલ્ડિંગમાં આવેલા કેફેમાં ગેરકાયદેસર પ્રવૃતિઓ ચાલતી હોવાની બાતમી મળતા પોલીસે તપાસ હાથ ધરી હતી. બીજી તરફ પોલીસને જોતા કાફેમાં અફરા તફરી મચી ગઈ હતી. સાથે જ પોલીસની રેડ પડી હોવાની જાણ થતા જ કાફેમાંથી બે યુવતીઓએ ત્રીજા માળેથી છલાંગ લગાવી હતી. ત્રીજા માળેથી કૂદકો મારતા બંને યુવતીઓ ઈજાગ્રસ્ત થઈ હતી.
મહત્વનું છે કે, પાલનપુર પશ્ચિમ પોલીસને ખાનગી રાહે બાતમી મળી હતી કે, પાલનપુર નવા બસ સ્ટેડન્ડમાં કેટલાક લોકો કાફેની આડમાં ગેરકાયદેસર પ્રવૃતિ ચાલી રહી હોવાની બાતમી મળતા પોલીસ દ્વારા ફસ્ટ ડેટ નામનાં કેફેમાં રેડ કરી હતી. રેડ દરમિયાન પોલીસને કાફેમાં કપલરૂમ જોવા મળ્યા હતા. રેડ પડ્યાની જાણ કેફેમાં યુવતીને થતા બે યુવતીઓએ પોલીસની બીકથી ત્રીજા માળેથી છલાંગ લગાવતા બંને યુવતીઓ ઈજાગ્રસ્ત થઈ હતી. જેમને તાત્કાલીક 108 મારફતે સારવાર અર્થે હોસ્પિટલ ખસેડવામાં આવી હતી.
આ સમગ્ર બાબતે પાલનપુર પશ્ચિમ પોલીસ સ્ટેશનના પી.આઈ. આર.બી. ગોહિલે જણાવ્યું હતું કે, ફસ્ટ ડેટ નામનાં કેફેમાં ગેરકાયદેસર પ્રવૃતિઓ ધમધમી રહી છે. જે બાબતે પોલીસ દ્વારા તપાસ હાથ ધરી હતી. તે દરમ્યાન બે છોકરીઓ પોલીસને જોઈ બીકનાં માર્યા બારીમાંથી નીચે કૂદકો માર્યો હતો. જેથી બંને છોકરીઓ ઈજાગ્રસ્ત થઈ હતી. જેઓને સારવાર અર્થે હોસ્પિટલ ખાતે ખસેડાઈ હતી. આ કેસમાં કાફે માલિકની વધુ પૂછપરછ હાથ ધરાઈ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
