Team Chabuk-Gujarat Desk: અભિનેતા સલમાન ખાનના ઘરની બહાર ફાયરિંગ કરવાના કેસમાં મુંબઈક્રાઈમ બ્રાન્ચ અને ભુજ પોલીસને મોટી સફળતા મળી છે. મુંબઈ ક્રાઈમબ્રાંચે બંને આરોપીઓને ભુજમાંથી માતાના મઢ પાસેથી ઝડપી લીધા છે. ઝડપાયેલા આરોપીની ઓળખ વિકી ગુપ્તા અને સુરજ પાલ તરીકે કરવામાં આવી છે. બંને આરોપીઓને ગુજરાતથી ઝડપી મુંબઈ લઈ જવાયા છે.
નોંધનીય છે કે, મુંબઈ પોલીસના ઉચ્ચ અધિકારીઓના મતે સલમાન ખાનના ઘરની બહાર ફાયરિંગ કરનાર આ જ બંને આરોપીઓ હતા. આ આરોપીઓ સીસીટીવીમાં બાઈક પર હેલમેટ પહેરી દેખાયા હતા. બંનેએ ઘટનાને અંજામ આપવા માટે જૂની બાઈક રાયગઢથી ખરીદી હતી. મળતી માહિતી મુજબ મુંબઈ ક્રાઈમ બ્રાન્ચ મંગળવારે સવારે બંને આરોપીઓને લઈને રવાના થઇ છે. બંનેની મુંબઈમાં પૂછપરછ કરવામાં આવશે.
મહત્વનું છે કે, રવિવારે અભિનેતા સલમાનના ઘરની બહાર બાઇક સવાર બે લોકોએ ફાયરિંગ કર્યુ હતુ. આ પછી તેઓ ભાગી ગયા હતા. આ કેસમાં ગેંગસ્ટર લોરેન્સ બિશ્નોઈ સાથે જોડાયેલા લોકોના નામ પણ સામે આવ્યા છે. તપાસમાં સામે આવ્યું છે કે, આરોપીઓ નવી મુંબઈના પનવેલ વિસ્તારમાં લગભગ એક મહિનાથી ભાડાના મકાનમાં રહેતા હતા. આ વિસ્તારમાં સલમાનનું ફાર્મહાઉસ છે. દિવસ દરમિયાન, પોલીસે ઘટના સંદર્ભે નવી મુંબઈના ત્રણ લોકોની પૂછપરછ કરી હતી, જેમાં ઘરના માલિક, ગુનામાં ઉપયોગમાં લેવાયેલા ટુ-વ્હીલરના અગાઉના માલિક, વેચાણની સુવિધા આપનાર એજન્ટ અને તપાસના ભાગરૂપે અન્ય ઘણા લોકો સામેલ હતા.
આ આરોપીઓએ ઘટનાને અંજામ આપતા પહેલા રાયગઢથી જૂની બાઈક ખરીદી હતી. તે બાઈક લઈ તેઓ મુંબઈ આવ્યા અને ફાયરિંગની ઘટનાને અંજામ આપ્યો હતો. આરોપીઓ ફાયરિંગ કર્યા બાદ મુંબઈથી બહાર જવાની પ્લાનિંગ પહેલાથી જ હોવાનું તપાસમાં બહાર આવ્યુ હતુ. હવે તપાસમાં વધુ ચોંકાવનારા ખુલાસા થઈ શકે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
