Team Chabuk-Gujarat Desk: દેશમાં કોરોનાની બીજી લહેરે કહેર મચાવ્યો છે. દરરોજ કોરોનાના કેસમાં સતત વધારો થઈ રહ્યો છે. આ દરમિયાન લોકો મોટી માત્રામાં વિટામીન D-3, કેલ્શિયમ, જિંક અને મલ્ટી વિટામિન લઈ રહ્યા છે, પણ તેના વધુ પડતા ડોઝ વ્યક્તિ માટે હાનિકારક સાબિત થઈ શકે છે.
દવાનો કેટલો કોર્સ કરવો જોઈએ ?
નિષ્ણાતોના મતે કોરોના સંક્રમણ ઝડપથી વધી રહ્યું છે તેવા સમયે ઈમ્યુનિટી બૂસ્ટર તરીકે વિટામિન C, D અને મલ્ટી વિટામીનના કોર્સ માત્ર એક મહિના સુધી જ કરી શકાય છે. સાથે જ નિષ્ણાતોએ કહ્યું છે કે, ઝિંકનો વધુ પડતો ઉપયોગ નુકસાનકારક સાબિત થઈ શકે છે.
નિષ્ણાતોનું માનીએ તો મલ્ટી વિટામીનના ડોઝ એક મહિનાથી વધુ ન લેવા જોઈએ. તેનાથી શરીરના વિવિધ અંગો પર અસર જોવા મળે છે. કોરોનાથી બચવા કેટલાક લોકો દવાનું સેવન નથી કરવા માગતા અને ઈમ્યુનિટી વધારવાના ચક્કરમાં ચ્યવનપ્રાશ ખાઈ રહ્યા છે. જો કે, વધુ પડતા ચ્યવનપ્રાશથી શરીરમાં સુગર અને હાર્ટની બીમારી થવાની શક્યતા છે.
ક્યારે કઈ દવા લઈ શકાય?
શરદી થવા પર ઉકાળો દિવસમાં માત્ર એક વાર લઈ શકાય છે. ઝિંક વધુમાં વધુ 15 દિવસ લઈ શકાય. વિટામીન D-3 60Kનો 1-1 ડોઝ મહિનામાં 4 વાર લઈ શકાય છે. બાદમાં મહિનામાં એક વાર એ પણ ડોક્ટરની સલાહ મુજબ ડોઝ લેવાની નિષ્ણાતોએ સલાહ આપી છે. કેલ્શિયમ ડોક્ટરની સલાહ મુજબ મહિના સુધી લઈ શકાય. કોરોના વાયરસ સામે વિટામિન સી લેવાની લોકો સલાહ આપી રહ્યા છે અને આડેધડ વિટામીન સીની ટેબ્લેટ ખાઈ રહ્યા છે. જો કે, એક મહિનાથી વધુ વિટામીન સી લેવી શરીર માટે હાનિકારક છે. વિટામીન C એક મહિના સુધી જ લઈ શકાય છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
