Team Chabuk-Gujarat Desk: સુરેન્દ્રનગર જિલ્લામાં ફરી સગીરા પર અત્યાચારનો કિસ્સો સામે આવ્યો છે. ફરી એકવાર જિલ્લામાં સગીરા પિંખાઈ છે. સુરેન્દ્રનગર જિલ્લાના ધ્રાંગધ્રા તાલુકાના ગ્રામ્ય વિસ્તારની એક સગીરા સાથે નરાધમે શરીર સંબંધ બાંધી ગર્ભ રાખી દીધો હતો. સગીરાએ બાળકને જન્મ આપતા નરાધમના પાપનો ભાંડો ફૂટ્યો છે. પોલીસે હાલ આરોપી વિરુદ્ધ પોક્સો હેઠળ ગુનો દાખલ કરી કાયદાકીય કાર્યવાહી શરૂ કરી છે.
સમગ્ર મુદ્દે મળતી માહિતી મુજબ ધ્રાંગધ્રા તાલુકાના એક નરાધમે ગ્રામ્ય વિસ્તારમાં ખેતી કામ કરતી સગીરા સાથે પ્રેમનું નાટક કરી તેના પર વારંવાર દુષ્કર્મ આચર્યાનો આરોપ છે. એક ગરીબ પરિવારની માત્ર 15 વર્ષની સગીરા સાથે વારંવાર શરીર સંબંધ બાંધી તેને ગર્ભ રાખી દીધો હતો. સગીરાને દુખાવો ઉપડતા તેને હોસ્પિટલ લઈ જવાઈ હતી જ્યા સગીરાએ શિશુને જન્મ આપ્યો છે. આ સમગ્ર ઘટનાના કારણે ગરીબ પરિવારના પગ નીચેથી જમીન ખસી ગઈ છે.
આ ગંભીર ઘટનાની જાણ ધ્રાંગધ્રા તાલુકા પોલીસને થતાં પી.આઇ. જે.બી.મીઠાપરા સહિતનો કાફલો ઘટનાસ્થળે પહોંચી ગયો હતો અને પરિવારની ફરિયાદ લીધી હતી. પોલીસ સ્ટાફે આરોપીની વિગતો મેળવી તેના વિરુદ્ધ પોક્સોની કલમ હેઠળ ગુનો નોંધ્યો છે અને આરોપીને ઝડપી લેવા ચક્રો ગતિમાન કર્યા છે.
આ આંચકાજનક ઘટના મુદ્દે ધ્રાંગધ્રા ડીવાયએસપી જે.ડી.પુરોહિતે જણાવ્યું હતું કે, સગીરાના જન્મેલા બાળકને સગીરાના પિતા રાખશે કે આરોપી શખ્સ રાખશે તે આગામી સમયમાં નક્કી થશે. એટલું જ નહીં તેમણે જણાવ્યું હતું કે, જો બાળકને રાખવા કોઈ તૈયાર નહીં થાય તો તેને શિશુગૃહમાં સુરક્ષિત મોકલી આપીશું. બીજી તરફ આરોપીને શિશુને સોંપવામાં પણ જોખમ હોવાની શક્યતા વ્યક્ત કરાઈ છે. હાલ તો આ કેસમાં સગીરા અને નવજાતની સૂડી વચ્ચે સોપરી જેવી હાલત થઈ ગઈ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
