Team Chabuk-Sports Desk: ઓસ્ટ્રેલિયા અને દક્ષિણ આફ્રિકા વચ્ચે મેલબોર્નમાં બોક્સિંગ ડે ટેસ્ટ રમાઈ રહી છે. ઓસ્ટ્રેલિયાના ઓલરાઉન્ડર કેમરુન ગ્રીન માટે આ મેચ યાદગાર બની હતી. તે ઘણીવાર તેની વિસ્ફોટક બેટિંગ માટે જાણીતો છે. પરંતુ આજે આ મેચમાં તેણે શાનદાર બોલિંગ કરી છે. મીડિયમ પેસર કેમરુન ગ્રીને દક્ષિણ આફ્રિકાની પ્રથમ ઇનિંગમાં 5 વિકેટ ઝડપી હતી. આ પહેલીવાર છે જ્યારે ગ્રીને ટેસ્ટમાં 5 વિકેટ લીધી હોય. તેની એવી બોલિંગ હતી કે દક્ષિણ આફ્રિકા પ્રથમ દાવમાં 200 રનનો આંકડો પણ પાર કરી શક્યું ન હતું. મહેમાન ટીમ પ્રથમ દાવમાં 189 રન બનાવીને ઓલઆઉટ થઈ ગઈ હતી. હાલમાં જ આઈપીએલ મિની ઓક્શનમાં ગ્રીનને મુંબઈ ઈન્ડિયન્સે 17.50 કરોડમાં ખરીદ્યો હતો. જે બાદ તેણે આ શાનદાર બોલિંગ કરી છે.
બોક્સિંગ ડે ટેસ્ટમાં દક્ષિણ આફ્રિકાની પ્રથમ ઇનિંગમાં બોલિંગ કરતી વખતે કેમરૂન ગ્રીને 5 વિકેટ ઝડપી હતી. ગ્રીને 10.4 ઓવરની બોલિંગમાં 3 મેઈડન્સ રાખીને 27 રનમાં 5 ખેલાડીઓને આઉટ કર્યા હતા. આ તેની ટેસ્ટ કરિયરની અત્યાર સુધીની સર્વશ્રેષ્ઠ બોલિંગ છે.
આ દરમિયાન કેમરુન ગ્રીને થેવિન્સ ડી બ્રુયને, કાયલ વર્ને, માર્કો જેન્સેન, કાગિસો રબાડા અને લુંગી એનગિડીને આઉટ કર્યા. કેમરૂન ગ્રીને હવે ટેસ્ટ ક્રિકેટમાં 23 વિકેટ લીધી છે. ડિસેમ્બર 2020માં તેની ટેસ્ટ કારકિર્દીની શરૂઆત કરનાર ગ્રીન ઓસ્ટ્રેલિયા માટે મેચ વિનર તરીકે ઉભરી આવ્યો છે.
IPL મીની હરાજી 23 ડિસેમ્બરે કોચીમાં થઈ હતી. રોયલ ચેલેન્જર્સ બેંગ્લોર, દિલ્હી કેપિટલ્સ અને મુંબઈ ઈન્ડિયન્સ વચ્ચે કેમરુન ગ્રીનને ખરીદવા માટે રસપ્રદ જંગ જોવા મળ્યો હતો. આરસીબીએ તેને હરાજીમાં 6.75 કરોડ સુધી ફોલો કર્યો. આ પછી દિલ્હી અને મુંબઈ કેમરુન ગ્રીનને પોતાની ટીમમાં સામેલ કરવા આતુર હતા. દિલ્હી કેપિટલ્સે 17.25 કરોડ સુધી ગ્રીનનો પીછો કર્યો હતો. પરંતુ બાદમાં મુંબઈ ઈન્ડિયન્સે તેને 17.50 કરોડ રૂપિયામાં ખરીદ્યો અને તેને પોતાની ટીમમાં સામેલ કર્યો. કેમેરોન ગ્રીન IPL 2023માં બીજા નંબરનો સૌથી મોંઘો ખેલાડી હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
