સૌરાષ્ટ્રના આ જિલ્લાઓમાં આગામી પાંચ દિવસ વરસાદને લઈને મહત્વની આગાહી

Team Chabuk-Gujarat Desk: આવતીકાલે તારીખ 13 જુલાઈ થી 17 જુલાઈ સુધી હવામાનને લઈને હવામાન વિભાગ દ્વારા મહત્વની આગાહી કરવામાં આવી છે. જૂનાગઢ કૃષિ યુનિવર્સિટી- તરઘડીયા દ્વારા 13 જુલાઈ થી 17 જુલાઈ સુધી રાજકોટ, મોરબી, સુરેન્દ્રનગર, દેવભૂમિ દ્વારકા, અમરેલી, જામનગર જિલ્લામાં વરસાદને લઈને આગાહી કરવામાં આવી છે.

રાજકોટ જિલ્લો

રાજકોટ જિલ્લામાં આવતીકાલ 13 જુલાઈ થી 17 જુલાઈ સુધી છુટાછવાયા વિસ્તારમાં હળવાથી મધ્યમ વરસાદ પડવાની શક્યતા વ્યક્ત કરાઈ છે. જેમાં 13, 14 અને 15 જુલાઈના રોજ 4-4 મીમી વરસાદ જ્યારે 16 જુલાઈએ 8 મીમી અને 17 જુલાઈએ 19 મીમી વરસાદ પડવાની આગાહી કરાઈ છે.

મોરબી જિલ્લો

મોરબી જિલ્લામાં પણ આગામી પાંચ દિવસ હળવો વરસાદ થવાની સંભાવના વ્યક્ત કરાઈ છે. જેમાં 13 જુલાઈના રોજ 2 મીમી, 14 થી 16 જુલાઈ સુધી 3-3 મીમી અને 17 જુલાઈના રોજ 15 મીમી વરસાદ પડવાની શક્યતા વ્યક્ત કરાઈ છે.

દેવભૂમિ દ્વારકા જિલ્લો

દેવભૂમિ દ્વારકા જિલ્લામાં 13 જુલાઈના રોજ 5 મીમી, 14 જુલાઈના રોજ 4 મીમી, 15 જુલાઈના રોજ 3 મીમી, 16 જુલાઈના રોજ 4 મીમી અને 17 જુલાઈના રોજ 17 મીમી વરસાદ પડી શકે છે.

સુરેન્દ્રનગર જિલ્લો

સુરેન્દ્રનગર જિલ્લામાં હવામાન વિભાગની આગાહી પ્રમાણે 13 જુલાઈના રોજ 2 મીમી, 14 જુલાઈના રોજ 3 મીમી, 15 જુલાઈના રોજ 4 મીમી, 16 જુલાઈના રોજ 7 મીમી અને 17 જુલાઈના રોજ 22 મીમી વરસાદ પડી શકે છે.

અમરેલી જિલ્લો

અમરેલી જિલ્લામાં આવતીકાલે સારો વરસાદ વરસશે તેવી આગાહી કરાઈ છે. આવતીકાલે 13 જુલાઈના રોજ અમરેલી જિલ્લામાં 64 મીમી એટલે કે અઢી ઈંચ જેટલો વરસાદ પડવાની શક્યતા છે. 14 જુલાઈના રોજ 8 મીમી, 15 જુલાઈના રોજ 4 મીમી, 16 જુલાઈના રોજ 25 મીમી એટલે કે એક ઈંચ અને 17 જુલાઈના રોજ 125 મીમી એટલે કે 5 ઈંચ જેટલો વરસાદ ખાબકી શકે છે. આમ અમરેલી જિલ્લામાં 17 જુલાઈના રોજ છુટાછવાયા વિસ્તારમાં અતિ ભારે વરસાદ થવાની શક્યતા છે.

જામનગર જિલ્લો

જામનગર જિલ્લામાં 13 અને 14 અને 16 જુલાઈના રોજ 5 મીમી, 15 જુલાઈના રોજ 4 મીમી અને 17 જુલાઈના રોજ 20 મીમી વરસાદ પડવાની હવામાન વિભાગ દ્વારા આગાહી કરવામાં આવી છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત