Team Chabuk-Gujarat Desk: : રાજકોટ શહેરમાં ગત તારીખ 25 મેના રોજ ટીઆરપી ગેમઝોન આગ કાંડ સર્જાયો હતો અને આ દુર્ઘટનામાં 28 જેટલા નિર્દોષ લોકોએ જીવ ગુમાવ્યો હતો. ત્યારબાદ જવાબદાર અધિકારીઓ અને કર્મચારીઓ સામે કડક પગલાં ભરવામાં આવ્યા હતા. જો કે આ કાર્યવાહી બાદ પણ લાંચિયા અધિકારીઓ સુધર્યા નથી તેવું લાગી રહ્યું છે. કેમ કે રાજકોટ મહાનગરપાલિકાના ચીફ ફાયર ઓફિસર એ.બી. મારુ લાંચ લેતા ઝડપાયા છે.
મળતી માહિતી પ્રમાણે RMC ચીફ ફાયર ઓફિસર એ.બી.મારૂ લાંચ લેતા ઝડપાયા છે. એ.બી.મારુ 1.80 લાખ રૂપિયાની લાંચ લેતા ઝડપાયા છે. મળતી વિગતો પ્રમાણે ફરિયાદી પાસે ફાયર NOC માટે 3 લાખ લાંચની માંગ કરી હતી. જેમાંથી 1.80 લાખ રૂપિયા સ્વીકારતા ACB એ ઝડપી પાડ્યા છે. મહત્વની વાત એ છે કે, રાજકોટ મહાનગરપાલિકાની કચેરી ખાતે જ લાંચ લેતા ACBએ ઝડપી પાડ્યા છે.
મહત્વનું છે કે, ટીઆરપી ગેમઝોન આગકાંડ બાદ રાજકોટ મહાનગરપાલિકાના ચીફ ફાયર ઓફિસર ઈલેશ ખેર સામે કડક કાર્યવાહી કરીને તેઓને જેલ હવાલે કરવામાં આવ્યા હતા. ત્યારબાદ ભુજના અનિલ મારુને રાજકોટના ચીફ ફાયર ઓફિસરનો ચાર્જ સોંપવામાં આવ્યો હતો. ત્યારે અનિલ મારૂએ ઈલેશ ખેર સામે થયેલી કડક કાર્યવાહીમાંથી કોઈ ધડો ન લીધો અને લાંચ લીધી. જો કે આખરે તેઓ લાંચ લેતા ઝડપાઈ ગયા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
