Team Chabuk-Gujarat Desk: લગ્ન પહેલા યુવક અને યુવતી પોતાની તમામ ક્ષતિઓ અને આવડત એકબીજાની સામે ઉજાગર કરતા હોય છે. જેથી આવનારા સમયમાં લગ્ન જીવનમાં કોઈ વિડંબણા ન રહે કે ભંગાણ ન સર્જાય. આવો જ એક લાલબત્તી સમાન કિસ્સો અમદાવાદમાં નોંધાયો છે. અમદાવાદમાં રહેતી એક યુવતીએ ગાંધીનગરમાં રહેતા એક યુવાનની સાથે લગ્ન કર્યાં. યુવકે યુવતીને નહોતું કહ્યું કે તેને દાદર-ખરજવુંની બીમારી છે. આ વાત યુવકે છાની રાખતા બાદમાં પરિણીતા પણ દાદર અને ખરજવાની સમસ્યાનો ભોગ બની હતી. એટલું જ નહીં તેના સસરા પણ તેની એકલતાનો લાભ ઉઠાવી અડપલાં કરતા હોવાનો યુવતીએ આક્ષેપ કર્યો છે. પરિણીતાએ જ્યારે પોતાના પતિ અને નણંદને આ અંગે ફરિયાદ કરી અવગત કર્યાં તો તેમણે સસરાનો પક્ષ લેતા કહ્યું હતું કે, ‘તારે પપ્પા કહે એમ જ કરવાનું છે.’
અમદાવાદના સોલા વિસ્તારમાં રહેતી 31 વર્ષીય યુવતીએ સોલા પોલીસ સ્ટેશનમાં પતિ, સસરા અને નણંદની વિરૂદ્ધ ફરિયાદ નોંધાવી છે. આ પરિણીતાના લગ્ન 2020માં પેથાપુરમાં રહેતા નીરવભાઈની સાથે થયા હતા. પરિણીતાને લગ્ન બાદ જાણ થઈ હતી કે પતિ નીરવભાઈ દાદર અને ખરજવાની સમસ્યાથી પીડિત છે. આ બીમારી બાદમાં સપના બહેનને પણ લાગુ પડી હતી, પણ ઘર સંસાર ચલાવવા માટે તેઓ મૌન રહ્યા હતા. તેમની નણંદ દહેજને લઈ મહેણા-ટોણાં મારતી હતી જ્યારે સસરા અડપલાં કરતા હતા. કંટાળીને પરિણીતા સાસરિયું છોડી પીયર ચાલ્યા ગયા હતા અને અહીં સાસરિયા વિરૂદ્ધ પોલીસ સ્ટેશનમાં ફરિયાદ નોંધાવી હતી.
પરિણીતાએ આ સિવાય એવો પણ આક્ષેપ કર્યો છે કે તેમના પતિને પાડોશમાં રહેતી મહિલાની સાથે આડા સંબંધો છે. પરિણીતાએ આ અંગે પૂછતા પતિએ તેની સાથે ઝઘડો અને બાદમાં મારઝૂડ કરી હતી. આ વાતની પરિણીતાને ત્યારે ખબર પડી કે એક મહિના સુધી પતિએ તેમને સારી રીતે રાખ્યા હતા બાદમાં તેમની સાથે યોગ્ય વર્તન નહોતા કરતા, તેમજ રાતના ઘરે મોડા આવતા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
