Team Chabuk-Gujarat Desk: રાજકોટ PGVCL દ્વારા બીજી વખત એક મધ્યમવર્ગીય વ્યક્તિને એક લાખનું બિલ ફટકારી બેદરકારીનો ઉત્તમ નમૂનો રજૂ કર્યો છે. આ વ્યક્તિ આવાસ યોજનાના 1 BHK ફ્લેટમાં રહે છે અને કહે છે કે હું મારો એક વર્ષનો પગાર આપી દઉં તો પણ આ બિલ ભરી ન શકું. જોકે રાજકોટ PGVCLનો આ છબરડો કંઈ પહેલી વખત નથી. આ પહેલા એક વ્યક્તિને દસ લાખ રૂપિયાનું વીજ બિલ ફટકારી દીધું હતું. આ ઘટના સમગ્ર રાજકોટમાં ટોક ઓફ ધ ટાઉન બની હતી. બાદમાં વીજળી વિભાગે પોતાની ભૂલ સ્વીકારી હતી અને નવું બિલ આપ્યું હતું. આમ છતાં આજે બીજી વખત એક વ્યક્તિને 1,84,161 બિલ ફટકારી દઈ વિસ્મયનો ઝાટકો આપ્યો છે.
1,84,161 રૂપિયાનું બિલ આવતા ફ્લેટધારક નવનીતભાઈ રાજપરાની આંખો ફાટી ગઈ હતી. એમણે જણાવ્યું હતું કે હું મારો એક વર્ષનો આખો પગાર આપી દઉં તોપણ આટલું બિલ ન ભરી શકું. મીડિયા સાથે વાત કરતાં નવનીતભાઈ રાજપરાએ જણાવ્યું હતું કે, તેઓ સામાન્ય માણસ છે અને આવાસ યોજનાના સરકારી ક્વાર્ટરમાં રહે છે. PGVCLએ તેમને રૂપિયા 1.84 લાખનું બિલ આપ્યું છે. એમનું બિલ સામાન્ય રીતે રૂપિયા 1000-1500 આસપાસ આવતું હોય છે. જેના બદલે હાલ આટલું મોટું બિલ શા માટે અપાયું તે પણ મોટો સવાલ છે.
પોતાની પરિસ્થિતિ વિશે જણાવતા નવનીતભાઈએ કહ્યું હતું કે આ બિલની રકમ ભરી શકવાની મારી કોઈ પરિસ્થિતિ જ નથી. સાથે એટલો વપરાશ પણ 1BHKનાં ક્વાર્ટરમાં થવો શક્ય જ નથી. આ PGVCL તંત્રની બેદરકારી છે. જે સ્વીકાર કરવાને બદલે મીટર ચેકિંગ કરવાનું જણાવાયું છે.
નવનીતભાઈ અત્યાર સુધી નિયમિત બિલ ભરતા હતા. આટલું મસમોટું બિલ મળતા તેઓએ અધિકારીઓને જણાવ્યું હતું, તો અધિકારીઓ મીટર બદલવાની વાત કરી રહ્યા છે. મીટરને ચેકિંગમાં મોકલવામાં આવશે અને ચેકિંગમાં બિલ સાચું હોવાનું સામે આવે છે તો આ બિલ ભરવાનું રહેશે, એવું નવનીતભાઈએ જણાવ્યું હતું. મહિને 15,000 રૂપિયાની નવનીતભાઈ નોકરી કરે છે અને કહી રહ્યા છે કે, હું માંડ માંડ મારું ગુજરાન ચલાવું છે. એમાં આખા વર્ષનો પગાર લઈ લો તોપણ આટલી રકમ હું ન ભરી શકું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
