Team Chabuk-Gujarat Desk: રાજ્યમાં ફાયરિંગ કરવાની ઘટના સાવ સામાન્ય બની ગઈ છે. પાટણના હારીજ તાલુકાનું દુનાવાડા ગામમાં શુક્રવારે બપોરે બે મિત્રોએ સાથે મળીને 9 રાઉન્ડ ફાયરિંગ કર્યું હતું. જેમાં 3 લોકો ઈજાગ્રસ્ત થયા છે. પોલીસે ગણતરીના કલાકોમાં જ બંને મિત્ર સહિત 3 આરોપીની ધરપકડ કરી છે. પ્રેમ પ્રકરણમાં આ ફાયરિંગ કરવામાં આવ્યું હતું. પોલીસ તપાસમાં ખુલ્યું કે, 3 મહિના પહેલાં જ આ હથિયાર તેઓ બિહારથી લાવ્યા હતા.
દુનાવાડા ગામમાં જ રહેતા હિમાંશુ પરમાર અને શૈલેષ પરમારને થોડા દિવસ પહેલાં સોનજીભાઈ સાથે બોલાચાલી થઈ હતી. બંને મિત્રએ સોનજીભાઈના ઘરે જઈ ફાયરિંગ કરતા સોનજીભાઈ અને વિજયભાઈ ઘાયલ થયા હતા. બાદમાં બંને મિત્રોએ ગામના રસ્તા પર શિવાભાઈ પર ફાયરિંગ કરતાં તેઓ પણ ઈજાગ્રસ્ત થયા હતા. હિમાંશુ નામના આરોપીને શિવાભાઈની દીકરી સાથે પ્રેમસંબંધ હતા. પરંતુ શિવાભાઈ તેનો વિરોધ કરતા હોવાથી તેમના પર ફાયરિંગ કર્યું. આ તરફ પોલીસે ગામમાં ચુસ્ત બંદોબસ્ત ગોઠવી દિધો છે. હિમાંશુ અને શૈલેષ સહિત તેને હથિયાર લાવી આપનાર હિતેશ પરમારને પણ પોલીસે ઝડપી લીધો હતો. આરોપીઓ પાસેથી 2 તમંચા, 2 પિસ્તોલ અને 43 જીવતા કાર્ટિજ મળી આવ્યા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
