Team Chabuk-Gujarat Desk: રાજકોટમાં મેઘસવારી આવી પહોંચ્યા બાદ મેઘરાજા મન મુકીને વરસી રહ્યા છે. જિલ્લાના મોટાભાગના તાલુકામાં મેઘમહેર થઈ રહી છે. ત્યારે ધોરાજી તાલુકાના ભુખી પાસેનો ભાદર-2 સિંચાઈ યોજના નંબર-149 ભાદર-2 ડેમ ભારે વરસાદને કારણે પૂર્ણ સપાટીએ ભરાઈ ગયો છે.
ડેમ ભયજનક સપાટીએ ઓવરરફલો થઈ રહ્યો છે. આથી ડેમના 6 દરવાજા 5 ફૂટ ખોલવામાં આવ્યા છે. ડેમમાંથી 38674 ક્યૂસેક પાણી છોડવામાં આવી રહ્યું છે. જેના કારણે નીચાણવાળા ગોમોને એલર્ટ કરાયા છે અને ગામલોકોને નદી કિનારે ન જવા સૂચના અપાઈ છે.
ધોરાજી તાલુકાના ભોળા, ભોળગામડા, છાડવાવદર અને સુપેડી તેમજ ઉપલેટા તાલુકાના ડુમિયાણી, ચીખલિયા, સમઢીયાળા, ગણોદ, ઈસરા, કુંઢેચ, ભીમોરા, ગાધા, ગધેડ, હાડફોડી, લાઠ, મેલી મજેઠી, નીલાખા, તલગણા ગામોના લોકોએ નદીના પટમાં કે કાંઠા વિસ્તારમાં અવરજવર ન કરવા તેમજ સાવચેત રહેવા સૂચના આપવામાં આવી છે.
રાજકોટમાં 30 જૂન એટલે કે ગઈકાલ રાત્રિના 12 વાગ્યા સુધીમાં તમામ તાલુકાઓમાં નોંધપાત્ર વરસાદ થયો છે. રાજકોટ સિંચાઈ પૂર વર્તુળ એકમના જણાવ્યા મુજબ પડધરી તાલુકામાં 2.5 ઈંચ, રાજકોટ તાલુકામાં 2 ઈંચ, લોધીકા તાલુકામાં 1.25 ઈંચ, કોટડા સાંગાણી તાલુકામાં 1.5 ઈંચ, જસદણ તાલુકામાં 2 ઈંચ વરસાદ વરસ્યો છે. આ ઉપરાંત ગોંડલ તાલુકામાં 2 ઈંચ, જામકંડોરણા તાલુકામાં 6 ઈંચ, ઉપલેટા તાલુકામાં 5 ઈંચ, ધોરાજી તાલુકામાં 5.25 ઈંચ, જેતપુર તાલુકામાં 5 ઈંચ તથા વિછીયા તાલુકામાં 0.5 ઈંચ વરસાદ નોંધાયો છે.
રાજકોટઃ ભાદર-2 ડેમના 6 દરવાજા 5 ફુટ ખોલાયા, નીચાણવાળા ગામોને કરાયા એલર્ટ#Rajkot #Gujarat #Rain #Bhadar pic.twitter.com/yPANGlQKDr
— thechabuk (@thechabuk) June 30, 2023
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
