આ આંકડાઓ જોશો તો થશે ઘરની બહાર જ નથી નીકળવું

Team Chabuk-Gujarat Desk: વિશ્વમાં એક દિવસમાં રેકોર્ડ બ્રેક કોરોના કેસ નોંધાયા છે. એક દિવસમાં દુનિયામાં 8 લાખ 22 હજાર લોકો સંક્રમિત થયા છે અને 12 હજાર 425 લોકોના મૃત્યુ થયા છે. દુનિયામાં હાલ સૌથી વધુ સ્થિતિ ભારતમાં ખરાબ છે. ભારત બાદ અમેરિકા, બ્રાઝિલ, તુર્કી, ફ્રાન્સ, આર્જેન્ટીના અને જર્મનીમાં કોરોના વકર્યો છે. શુક્રવારે એક દિવસમાં અમેરિકામાં 78 હજાર, બ્રાઝિલમાં 76  હજાર, તુર્કીમાં 63 હજાર, ફ્રાન્સમાં 36 હજાર, આર્જેન્ટીનામાં 29 હજાર અને જર્મનીમાં 21 હજાર કેસ નોંધાયા છે. વિશ્વમાં એક્ટીવ કેસનો આંકડો 1 કરોડ 80 લાખને પાર પહોંચી ગયો છે. અત્યાર સુધીમાં વિશ્વમાં કુલ 14.04 કરોડ કોરોના કેસ નોંધાઈ ચુક્યા છે. સંક્રમિત થયા બાદ વિશ્વમાં કુલ 11.93 કરોડ લોકો સાજા થયા છે. વિશ્વમાં કોરોનાના કારણે કુલ 30 લાખ 11 હજાર લોકોએ જીવ ગુમાવ્યો છે.

ભારતમાં કોરોનાનું તાંડવ યથાવત છે. દેશમાં એક દિવસમાં કુલ 2 લાખ 33 હજાર નવા કેસ નોંધાયા છે. એક દિવસમાં સવા બે લાખથી વધુ કેસ નોંધાતા કેન્દ્રીય આરોગ્ય વિભાગની પણ ચિંતા વધી છે. શુક્રવારે એક જ દિવસમાં દેશમાં 1 હજાર 338 લોકો કોરોના સામે જંગ હારી ગયા હતા જ્યારે 1 લાખ 22 હજાર દર્દીઓએ કોરોનાને મ્હાત આપી હતી. હાલ દેશમાં કુલ 15 લાખ 73 હજાર એક્ટીવ કેસ છે. દેશમાં સૌથી વધુ મહારાષ્ટ્રની સ્થિતિ ખરાબ છે. મહારાષ્ટ્રમાં શુક્રવારે એક દિવસમાં કુલ 63 હજારથી વધુ કેસ નોંધાયા છે. દિલ્હીમાં એક દિવસમાં 19 હજારથી વધુ નવા કેસ નોંધાયા છે. આ ઉપરાંત ઉત્તરપ્રદેશમાં પણ એક દિવસમાં 27 હજાર 300થી વધુ કેસ નોંધાયા છે.

ભારતમાં અત્યાર સુધીમાં કુલ 1 કરોડ 45 લાખ કોરોનાના કેસ નોંધાઈ ચુક્યા છે. કોરોના થયા બાદ અત્યાર સુધીમાં કુલ 1 કરોડ 26 લાખ દર્દીઓ સાજા થયા છે. તો કાળમુખો કોરોના અત્યાર સુધીમાં કુલ 1 લાખ 75 હજાર લોકોને ભરખી ગયો છે.

રાજ્યમાં શુક્રવારે પણ કોરોના કેસનો આંકડો 8 હજારને પાર રહ્યો હતો. શુક્રવારે એક જ દિવસમાં કોરોનાના 8 હજાર 920 નવા કેસ નોંધાયા હતા અને 94 દર્દીઓના મૃત્યુ થયા હતા. બીજી તરફ 3 હજાર 387 દર્દીએ કોરોનાને મ્હાત પણ આપી હતી. રાજ્યમા વધુ 94 દર્દીના મૃત્યુ થતાં મૃત્યુઆંક 5 હજાર 170એ પહોંચ્યો છે. જ્યારે રિકવરી રેટ ઘટીને 85.73 ટકાએ પહોંચી ગયો છે. હાલ રાજ્યમાં એક્ટીવ કેસનો આંકડો વધી રહ્યો છે. હાલ રાજ્યમાં કુલ 49 હજાર 737 એક્ટીવ કેસ છે. જેમાંથી 283 દર્દીઓ ગંભીર હાલતમાં વેન્ટીલેટર પર છે. મહાનગરોમાં સ્થિતિ કાબૂ બહાર જઈ રહી છે.

ગુજરાતમાં છેલ્લા 10 દિવસના કેસ?

અમદાવાદમાં છેલ્લા 10 દિવસના કેસ

સુરતમાં છેલ્લા 10 દિવસના કેસ

રાજકોટમાં છેલ્લા 10 દિવસના કેસ

વડોદરામાં છેલ્લા 10 દિવસના કેસ

આમ રાજ્યમાં કોરોનાનો ગ્રાફ દિવસે દિવસે વધી રહ્યો છે. મહાનગરોમાં તો પરિસ્થિતિ વિકટ બની જ છે સાથે સાથે નાના શહેરો અને ગામડાઓમાં પણ કોરોનાના દર્દીઓ વધી રહ્યા છે. આ સ્થિતિમાં લોકોએ જાતે જ સાવધાન અને સાવચેત થવું હિતાવહ છે. જરૂર સિવાય ઘરની બહાર ન નીકળવું અને જો કામથી બહાર નીકળીએ તો ફરજિયાત માસ્ક પહેરીએ અને સોશિયલ ડિસ્ટન્સ જાળવીએ.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત