Team Chabuk-Gujarat Desk: ગુજરાતના વાતાવરણમાં છેલ્લા બે દિવસથી મોટો પલટો આવ્યો છે જેના કારણે સમગ્ર ગુજરાતમાં વરસાદી વાતાવરણ સર્જાયું છે. મોટાભાગના વિસ્તારોમાં મેઘરાજાએ ધબધબાટી બોલાવી હતી. ત્યારે હવામાન વિભાગ દ્વારા આજે પણ વરસાદની આગાહી કરવામાં આવી છે. જે વિસ્તારોમાં વરસાદની આગાહી કરવામાં આવી છે તેમાં જામનગર, દેવભૂમિ દ્વારકામાં ભારેથી અતિ ભારે વરસાદની આગાહી છે. સાથે જ ગુજરાતના અન્ય વિસ્તારોમાં છૂટોછવાયો વરસાદ પડવાની સંભાવના વ્યક્ત કરવામાં આવી છે.
હવામાન વિભાગ દ્વારા સૂચિત કરવામાં આવ્યું છે કે પવનની ગતિ 50થી 60 કિલોમીટર પ્રતિ કલાકની રહેશે. ગઈકાલે પડેલા વરસાદ પર નજર કરવામાં આવે તો અંજાર બાદ મેઘરાજાએ બનાસકાંઠાને ધમરોળ્યું હતું. શહેરમાં 24 કલાકમાં સાડા પાંચ ઈંચ વરસાદ પડતા માર્ગો ધોવાઈ ગયા હતા અને રસ્તાઓ તળાવમાં તબ્દિલ થઈ ગયા હતા. બનાસકાંઠા સિવાય નજીકના સુઈગામમાં ત્રણ ઈંચ જેટલો વરસાદ પડ્યો હતો. ઠેકઠેકાણે નીચાણવાળા વિસ્તારોમાં પાણી ભરાયા હતા.
બનાસકાંઠામાં છેલ્લા બે દિવસથી મેઘરાજાએ કૃપા વરસાવી હતી. અહીં 24 કલાકમાં સાડા પાંચ ઈંચ વરસાદ ખાબક્યો હતો. બનાસકાંઠાના દાંતામાં સૌથી વધારે સાડા પાંચ ઈંચ વરસાદ નોંધાયો હતો. આ સિવાય વડગામ, વાવ, પાલનપુર, ડીસા, ભાભર, વિસ્તારમાં પણ સામાન્ય એક ઇંચ જેટલો વરસાદ વરસ્યો હતો.
બનાસકાંઠાના ખેડૂતો માટે ખુશખબર છે કે વાવણીલાયક વરસાદ પડ્યો છે. તો ભારે વરસાદ પડવાના કારણે બનાસકાંઠાના રહીશોને ઉનાળાના ઉકળાટમાંથી મુક્તિ મળી ગઈ હતી અને સમગ્ર વાતાવરણમાં ઠંડક પ્રસરી ગઈ હતી. ગુજરાતમાં ગત રોજ ક્યાં કેટલો વરસાદ પડ્યો તેના પર એક ઉડતી નજર નાખીએ.
| સ્થળ | વરસાદ ઈંચમાં |
| ભાણવડ ગ્રામ્ય | 9 |
| ગડુ | 5 |
| માંગરોળ | 4 |
| મેંદરડા | 3 |
| બાબરા | 3 |
| ધોરાજી | 2.5 |
| રાજકોટ | 2 |
| જૂનાગઢ | 0.5 |
| દાંતા | 5.4 |
| કચ્છ | 1થી 5 |
| દેવભૂમિ દ્વારકા | 1થી 5 |
| સાબરકાંઠા, | 1થી 5 |
| સુરેન્દ્રનગર | 1થી 5 |
| સુરત | 1થી 5 |
| અંજાર | 5 |
| ગાંધીધામ | 3 |
| મુન્દ્રા | 2 |
| ભચાઉ | 1 |
| ઉમરપાડા | 2.4 |
ગુજરાતમાં ચાર દિવસ મેઘરાજાનું સામ્રાજ્ય રહેશે. હવામાન વિભાગ દ્વારા આગાહી કરવામાં આવી છે કે આવનારા સમયમાં મધ્યમથી હળવો વરસાદ પડી શકે છે. ખાસ કરીને સૌરાષ્ટ્ર અને ઉત્તર ગુજરાતના વિસ્તારોમાં મેઘરાજા પોતાની ઈનિંગનો આરંભ કરી શકે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
