Team Chabuk-Gujarat Desk: થોડા દિવસો પહેલા મહેસાણા જિલ્લાના બહુચરાજીના છેટાસણા ગામે મોબાઈલ ફોન ચાર્જિંગમાં રાખીને વાત કરી રહેલી યુવતીનું મોબાઈલ અચાનક બ્લાસ્ટ થતાં મોત થયું હતું. ત્યારે હવે મોબાઈલ બ્લાસ્ટનો વધુ એક કિસ્સો રાજ્યમાં પ્રકાશમાં આવ્યો છે. ગુજરાતનો મોબાઈલ બ્લાસ્ટનો એક વીડિયો હાલ ચર્ચામાં આવ્યો છે. રાધનપુર હાઇવે પરના એક મોટર ગેરેજમાં એક વ્યક્તિના ખિસ્સામાં મૂકેલા મોબાઈલમાં બ્લાસ્ટ થયો હતો. ગેરેજમાં આવેલા એક ગ્રાહકના ખિસ્સામાં અચાનક મોબાઈલ સળગ્યો હતો. આ સમગ્ર ઘટના ગેરેજના સીસીટીવી કેમેરામાં કેદ થઈ હતી. જોકે, આ વ્યક્તિએ સમયસર સતર્કતા દાખવીને મોબાઈલને ખિસ્સામાંથી કાઢીને નીચે ફેંકી દીધો હતો જેથી કોઈ જાનહાનિ થઈ નહતી.
પાટણઃ રાધનપુરમાં એક વ્યક્તિના ખિસ્સામાં રહેલો મોબાઈલ સળગ્યો#mobileblast #patan #radhanpur #CCTV pic.twitter.com/lwq8XIsSUN
— thechabuk (@thechabuk) August 28, 2021
ઘટનાની વિગતે વાત કરીએ તો, રાધનપુરમાં આવેલા માનસી મોટર ગેરેજમાં ભાડિયા ગામના કેટલાક શખ્સો આવ્યા હતા. જેમાં રાયચંદભાઈ ઠાકર પણ સામેલ હતા. તેઓ ઓફિસમાં બેસીને ગેરેજના સંચાલક સાથે વાત કરી રહ્યા હતા આ દરમિયાન અચાનક રાયચંદભાઈના ખિસ્સામાંથી ધૂમાડો નીકળવા લાગ્યો હતો. તેમણે જોયું તો ખિસ્સામાં રાખેલો મોબાઈલ સળગવા લાગ્યો હતો. તેથી સતર્કતા દાખવીને તેમણે મોબાઈલને ખિસ્સામાંથી કાઢીને નીચે ફેંક્યો હતો. જોતજોતામાં મોબાઈલમાંથી ધુમાડો વધવા લાગ્યો હતો અને તે સળગવા લાગ્યો હતો.
જો તેમણે સતર્કતા દાખવી ન હોત તો મોબાઈલ બ્લાસ્ટની ઘટનાથી તેમને પણ ઈજા પહોંચવાની શક્યતા હતી. ગેરેજમાં લગાવાયેલા સીસીટીવી કેમેરામાં મોબાઈલ બ્લાસ્ટની ઘટના કેદ થઈ હતી. જોકે, આ મોબાઈલ અચાનક કેમ બ્લાસ્ટ થયો તે એક મોટો સવાલ છે. રાધનપુરમાં બનેલા આ ઘટના મોબાઈલ વાપરતા લોકો માટે ચેતવણી રૂપ ઘટના હતી. મોબાઈલ બ્લાસ્ટના અનેક કિસ્સાઓ સામે આવતા રહે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
