Team Chabuk-Gujarat Desk: સુરત શહેરના સલાબતપુરમાં પ્લાસ્ટિકની થેલીઓ બનાવવાના સ્થળ પર કામ કરતા એક વ્યક્તિએ પોતાની જ 16 વર્ષીય સાથી કર્મચારી પર દુષ્કર્મ આચર્યું છે. આરોપી કિશોરીને લિંબાયતમાં આવેલ કેફેમાં લઈ ગયો હતો જ્યાં નશીલી કોફી પીવડાવી કપલ બોક્સમાં તેની લાજ લૂંટી હતી. ઘટના અંગે પોલીસને જાણ કરતા પોલીસે ગણતરીની કલાકોમાં આરોપીની ધરપકડ કરી લીધી છે.
ઘટનાની પ્રાપ્ત વિગતો કંઈક એવી છે કે 16 વર્ષની કિશોરી આંજણા ફાર્મ ખાતે પ્લાસ્ટિકની થેલીઓ બનાવવાના ખાતમાં કામ કરે છે. કિશોરી સાથે તેની માતા પણ અહીં જ કામ કરે છે. આ ખાતામાં જ નિખિલ નામનો યુવક નોકરી કરે છે. ત્રણ જાન્યુઆરીની વાત છે જ્યારે નિખિલે કિશોરીને ભોળવતા કહ્યું હતું કે, આપણા કર્મચારીઓ કોફી પીવા માટે જાય છે તો આપણે પણ જઈએ. પહેલા તો યુવતીએ આનાકાની કરી હતી, પણ બાદમાં નિખિલની વાતમાં આવી જઈ તેણે હા પાડી દીધી હતી.
ચાર લોકો રિક્ષામાં નીકળ્યા હતા. લિંબાયતમાં આવેલા એક કાફેમાં ગયા ત્યાંથી નિખિલના અન્ય બે સાથી કર્મચારીઓ બીજે ક્યાંક ચાલ્યા ગયા હતા. અહીં કોફીમાં નશીલું દ્રવ્ય નાખી યુવક નિખિલે કિશોરીને પીવડાવી દીધું હતું અને પછી દુષ્કર્મ આચર્યું હતું.
કિશોરી જ્યારે ભાનમાં આવી ત્યારે તેને ખબર પડી કે તેની સાથે શું થયું છે. પહેલા તો તેણે માતાને કોઈ હકીકત નહોતી કહી. જ્યારે કામ કરવા માટે ખાતામાં આવી ત્યારે તેણીએ માતાને કહ્યું હતું કે તેની તબિયત બરાબર નથી અને ઘરે નીકળી ગઈ હતી. જોકે બીજા દિવસે તેણે માતા આગળ સમગ્ર હકીકત રાખી દીધી હતી. બુધવારના રોજ આરોપી વિરૂદ્ધ પોલીસ ફરિયાદ નોંધવવામાં આવતા પોલીસે ગણતરીની કલાકોમાં આરોપીની ધરપકડ કરી લીધી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
