રાજકોટમાં પ્રેમી પંખીડાના આપઘાતના પ્રયાસમાં મોટો ઘટસ્ફોટઃ યુવકે યુવતીની હત્યા કરી પોતે આપઘાતનો પ્રયાસ કર્યો

Team Chabuk-Gujarat Desk: રાજકોટની હોટેલ નોવા બુટીકમાં યુવક-યુવતીના આપઘાતના પ્રયાસ કેસમાં મોટો ઘટસ્ફોટ થયો છે. હોટેલના રૂમમાં યુવતી મૃત હાલતમાં મળી હતી જ્યારે યુવકને હોસ્પિટલમાં સારવાર અર્થે લઈ જવાયો હતો. આ મામલે પોલીસ તપાસમાં મોટો ખુલાસો થવા પામ્યો છે. પોલીસના જણાવ્યા પ્રમાણે પ્રેમીએ સગીર પ્રેમિકાની સૌપ્રથમ રૂમમાં હત્યા કરી હતી અને બાદમાં પોતે એસિડ પીને આપઘાતનો પ્રયાસ કર્યો હતો.

મહત્વનું છે કે, કાલાવડની ધ્રુવા જોશી નામની યુવતી અને ભુજના માધાપરનો જેમિશ દેવાયતકા નામનો યુવક રાજકોટ શહેરના કરણસિંહજી રોડ ઉપર આવેલી હોટેલ નોવા બુટીકમાં રોકાયા હતા. આ હોટેલના રૂમ નંબર 301માંથી યુવતી મૃત હાલતમાં મળી હતી જ્યારે યુવકને સારવાર માટે લઈ જવાયો હતો. સૌ પ્રથમ એવી વાત સામે આવી હતી કે પ્રેમી પંખીડાએ આપઘાતનો પ્રયાસ કર્યો છે. પરંતુ પોલીસ તપાસમાં મોટો ઘટસ્ફોટ થયો છે કે, પ્રેમી યુવક જેમિશે સૌ પ્રથમ પ્રેમિકાના ગળામાં ટાઈ બાંધી ગળે ફાંસો આપ્યો હતો અને બાદમાં પોતે એસિટ ગટગટાવી આપઘાતનો પ્રયાસ કર્યો હતો.

પ્રેમી યુવકે સગીર પ્રેમિકાના આધાર કાર્ડમાં જન્મ તારીખમાં ચેડાં કરીને હોટેલમાં રૂમ બુક કરાવ્યો હતો. ગઈકાલે સવારથી જ ધ્રુવા અને જેમિશ હોટલમાં રોકાયા હતા. જોકે, ધ્રુવા જોશી સગીર હોવાનુ ખુલ્યુ છે. હોટેલમાં રૂમ રાખવા માટે જેમિશે સગીરા ધ્રુવાના અધારકાર્ડમાં છેડછાડ કરી હતી. સાચા આધાર કાર્ડમાં ઉંમર 17 વર્ષ હોવાનું સામે આવ્યુ છે. ત્યારે હોટેલ સંચાલકોએ યોગ્ય પુરાવાઓ વગર રૂમ આપતા સવાલો ઉઠ્યા છે. ધ્રુવાની હત્યા કરીને જેમિશે એસિડ પી આપઘાતનો પ્રયાસ કર્યો હતો. હાલ યુવક જેનીશ ખાનગી હોસ્પિટલમાં સારવાર હેઠળ છે. 

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત