Team Chabuk-Gujarat Desk: સિંહની એન્ટ્રી થાય તો વિસ્તારમાં ફફડાટ વ્યાપી જાય, દોડાદોડી અને રાડારાડી મચી જાય, સિંહને પકડી પાડવા માટે દે દેકારો થઈ જાય, પરંતુ કોડીનાર તાલુકાના કરેડા ગામના લોકો ખુશખુશાલ છે. તેમની ખુશીનું કારણ સાત સિંહો છે, જેમણે તેમના વાડી વિસ્તારની આસપાસ ધામા નાખ્યા છે. પાક ઉગીને ઊભો થયો હોય ત્યાં ભૂંડ, રોઝ, નીલગાય જેવા પ્રાણીઓ ઉધમ મચાવવા માટે વાડીમાં ઘુસી જતા હોય છે પણ કોડીનાર તાલુકાના કરેડા ગામમાં સિંહની ડણક સાંભળી ખેડૂતોમાં ખુશીનો સંચાર થયો છે.
અહીં ગઈકાલે ગળામાં કોલર પહેરેલી એક સિંહણ દેખાઈ હતી. આંબાના એક બગીચામાંથી ટીંબા પર સિંહણ જોવા મળતા પોતાના માલઢોર હોય લોકો એકઠા થયા હતા. થોડીવાર ત્યાં નજર નાખી સિંહણ પરત ફરી ગઈ હતી. સિંહણની ઉપસ્થિતિ અંગે લક્ષ્મણભાઈ બારડે કહ્યું હતું કે, અમારા ગામની સીમમાં છેલ્લા એક મહિનાથી સાવજોના ધામા છે. પણ તેની બહુ રંજાડ નથી. અને સાવજો છે તો તેને લીધે નીલગાય અને ભૂંડના ત્રાસથી છૂટકારો મળ્યો છે. સાવજો અમારા માટે અત્યારે તો ઉભા મોલ માટે આશીર્વાદરૂપ છે. મોલનું રક્ષણ કરનાર તે અમારા સાથી છે. અમને સાવજોથી કોઇ ફરિયાદ નથી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
