Team Chabuk-Gujarat Desk: રાજ્યમાં ફરી એકવાર એક બેદરકાર ડમ્પર ચાલકે બે નિર્દોશ લોકોના જીવ લઈ લીધા ! બેફામ રીતે ચલાવતા ડમ્પર ચાલકે બાઈક સવાર યુવકોને અડફેટે લીધા હતા જેમાં ગંભીર રીતે ઈજાગ્રસ્ત થનારા બંને યુવકના કમકમાટીભર્યા મોત થયા હતા.
અરવલ્લીમાં ફરી એક વખત ડમ્પરચાલકે અકસ્માત સર્જ્યો . મોડાસા જિલ્લા સંઘ સામે ડમ્પરે બાઈકને ટક્કર મારી હતી. એટલું જ નહીં પુરપાટ ઝડપે આવતા ડમ્પરચાલકે બાઈક સવારને 100 ફૂટ જેટલાં ઘસેડ્યા હતા. બાઈક પર સવાર બન્ને યુવકને ગંભીર ઈજાઓ પહોંચતા તેમના ઘટના સ્થળે જ મોત નિપજ્યા હતા.
બીજી તરફ અકસ્માત સર્જી ડમ્પરચાલક ડમ્પર લઈને ફરાર થઇ ગયો હતો. બંને બાઈક ચાલક મોડાસાના ચણવાડા ગામના રહેવાસી હતા. અકસ્માતની જાણ થતા મોડાસા પોલીસ ઘટનાસ્થળે પહોંચી હતી. આ દુર્ઘટનાને પગલે સમગ્ર પંથકમાં અરેરાટી વ્યાપી ગઈ હતી. આ તરફ બંને મૃતકોના પરિવારજનોમાં શોકનો માહોલ છવાયો હતો.
અકસ્માત સર્જી ડમ્પરચાલક ડમ્પર લઈને ફરાર થઇ ગયો હતો. જેને લઈને પોલીસે ગુનો નોંધી ડમ્પરચાલકની શોધખોળ શરૂ કરી છે. પોલીસની પ્રાથમિક તપાસમાં બંને મૃતક મોડાસાના ચણવાડા ગામના રહેવાસી હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
