Team Chabuk-Gujarat Desk: ધોરણ 10નું પરિણામ આવી ગયું છે. જે વિદ્યાર્થીઓનું પરિણામ સારું આવ્યું છે તેઓ હરખાઈ રહ્યા છે. સોશિયલ મીડિયા પર રિઝલ્ટ્સ મુકી મહેફીલ લૂટી રહ્યા છે. જો કે, આવા વિદ્યાર્થીઓની વચ્ચે એક એક વિદ્યાર્થી સાથે સમયે એવો ખેલ રચ્યો છે જેના કારણે તે પોતાના પરિણામની ખુશી ન મનાવી શક્યો. વાત ખેડબ્રહ્માના શિવમ પ્રજાપતિની છે. જેને પરિણામના બે દિવસ પહેલાં જ કાળ ભરખી ગયો છે. શિવમની સાથે તેની માતાનું પણ પરિણામના બે દિવસ પહેલાં જ નિધન થયું છે. જેના પગલે સમગ્ર પ્રજાપતિ પરિવાર શોકમાં ગરકાવ છે.
ખેડબ્રહ્માના વાસણા રોડ પર રહેતા પ્રજાપતિ પારસભાઈ તેમના પત્ની દર્શનાબેન અને પુત્ર શિવમનું સોમવાર રાત્રીના 10.30 વાગે બાઈક લઈને પેટ્રોલ પુરાવા આવ્યા હતા.. પેટ્રોલ પુરાવીને ઘરે જઈ રહ્યા હતા ત્યારે ઈડર તરફથી આવતી કારે બાઈકને ટક્કર મારી હતી. જેમાં પરિવારના ત્રણેય જણોને ગંભીર ઈર્જાઓ પહોચી હતી. આ દુર્ઘટનામાં શિવમ અને તેના માતાનું ઘટનાસ્થળે જ મોત થયું હતું જ્યારે શિવમના પિતા હજુ પણ હોસ્પિટલના બિછાને જીંદગી સામે ઝઝૂમી રહ્યા છે.
આજે પરિણામ આવ્યું જેમાં શિવમને 98.96 ટકા આવ્યા છે અને એણે એટુ ગ્રેડ પ્રાપ્ત કર્યો છે. સમગ્ર ખેડબ્રહ્મા તાલુકામાં આ શિવમ પ્રથમ આવ્યો છે પરંતુ વિધિની વક્રતા જુઓ કે શિવમ પોતાનું જ રિઝલ્ટ જોઈ નથી શક્યો. એટલું જ નહીં તેના માતા પિતા પણ આ ખુશીમાં સામેલ નથી થઈ શક્યા.
પરિવારજનોએ આ સમગ્ર મામલે ખેડબ્રહ્મા પોલીસ સ્ટેશન ખાતે ફરિયાદ પણ નોધાવી છે પરંતુ હાલ તમામની એક જ માંગ છે કે આ કાર ચાલક વિરુદ્ધ કડક કાર્યવાહી કરીને પરિવારને ન્યાય મળે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
