રાજ્યમાં અચાનક હાર્ટ એટેકના કારણે થતાં મોતથી સૌ કોઈમાં ચિંતા વ્યાપી ગઈ છે. સ્વસ્થ દેખાતો માણસ ક્યારે આ દુનિયાને અલવિદા કહી દે તેની કોઈને પણ જાણ રહેતી નથી. ત્યારે જામનગરમાં એક 19 વર્ષના યુવકનું હાર્ટ એટેકના કારણે મોત થયું છે. ગરબાની પ્રેક્ટિસ કરતી વખતે યુવકને હાર્ટ એટેક આવ્યો હતો અને તેનું મોત નિપજ્યું છે. પટેલ પાર્ક વિસ્તારમાં આવેલા ગરબા ક્લાસમાં યુવક પ્રેક્ટિસ કરી રહ્યો હતો, તે સમયે આ ઘટના બની હતી. વિનીત મેહુલકુમાર કુંવરિયા નામના ફક્ત 19 વર્ષની ઉંમરના યુવકનું હાર્ટ એટેકથી મોત નિપજતા પરિવાર શોકમાં ગરકાવ થઈ ગયો છે. બનાવ બાદ મોટી સંખ્યામાં ગરબા પ્રેક્ટિસ કરતા યુવકો હોસ્પિટલ પહોંચ્યા હતા. હાલ યુવાનના મૃતદેહને પીએમ અર્થે ખસેડવામાં આવ્યો છે.
જામનગર શહેરના પટેલ પાર્ક વિસ્તાર આવેલા “સ્ટેપ & સ્ટાઈલ ગરબા ક્લાસ” માં ગરબાની પ્રેક્ટિસ કરતા 19 વર્ષીય વિનીત મેહુલભાઈ કુંવરિયા નામના યુવકનું હાર્ટ એટેકથી મોત નીપજ્યું હતું. યુવાન વિનીતના મૃતદેહને પીએમ અર્થે સરકારી જી.જી. હોસ્પિટલ ખાતે ખસેડાયો હતો. આ તકે સંચાલક તથા ગરબા રસિકો સહિત મૃતકના પરિવારજનો મોટી સંખ્યામાં ટોળા જી.જી.હોસ્પિટલ ખાતે આવી પહોંચ્યા હતા.
મહત્વનું છે કે, થોડા દિવસ પૂર્વે આવો જ કિસ્સો જૂનાગઢમાં સામે આવ્યો હતો. જૂનાગઢમાં પણ જોષીપુરા વિસ્તારમાં ગરબા ક્લાસમાં પ્રેકિટસ કરી રહેલા યુવકનું હાર્ટ એટેકના કારણે મોત નિપજ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
