Team Chabuk-Gujarat Desk: ગુજરાતમાં હાર્ટ એટેકથી મોતના કિસ્સાઓ વધી ગયા છે. એમાંય ખાસ કરીને યુવાનોના મોતમાં વધારો થયો છે. ત્યારે સાબરકાંઠા જિલ્લાના હિંમતનગરમાં 21 વર્ષના યુવકનું હાર્ટ એટેક આવતા મોત નિપજ્યું છે. 23 વર્ષના યુવકનું મોત થતાં પરિવારજનોમાં શોકનું મોજું ફરી વળ્યું છે. મૃતક યુવક રોબોટિક સાયન્સનો અભ્યાસ કરી ચુક્યો છે.
હિંમતનગરમાં 23 વર્ષના કેવિન રાવલ નામના યુવકનું હાર્ટ એટેકથી મોત થયું છે. યુવક રાત્રિના સમયે પરિવારના સભ્યો સાથે વાતચીત કરી રહ્યો હતો તે દરમિયાન તે અચાનક જ ઘરમાં ઢળી પડ્યો હતો. જે બાદ તેને મોડી રાત્રે હોસ્પિટલ ખસેડવામાં આવ્યો હતો. જોકે ફરજ પરના તબીબોએ તેને મૃત જાહેર કર્યો હતો. કેવિન રાવલ 3 વર્ષ પહેલા કેનેડા અભ્યાસ કરવા માટે ગયો હતો. જ્યાં અભ્યાસ પૂર્ણ કર્યા બાદ હિંમતનગર પરત આવ્યો હતો. હાલમાં જ તેણે રોબોટિક સાયન્સનો અભ્યાસ પૂર્ણ કર્યો હતો. જુવાનજોધ દીકરાના મોતથી પરિવારજનો શોકમાં ગરકાવ થઈ ગયા છે.
મહત્વનું છે કે, ગુરુવારે અમદાવાદમાં 32 વર્ષના મોહંમદ અંસારી નામના યુવકનું વસ્ત્રાલમાં આવેલી સરગમ પેલેસ નામની હોટલમાં હાર્ટ એટેકથી મોત થયું હતું. યુવક એક યુવતી સાથે હોટલમાં ગયો હતો અને રૂમ બુક કરાવ્યો હતો. જોકે થોડીવારમાં યુવતી હોટલના રૂમમાંથી ગભરાયેલી હાલતમાં બહાર નીકળી ગઈ પરંતુ યુવક બહાર ન આવ્યો. આથી હોટલ સ્ટાફે રૂમમાં જઈને તપાસ હાથ ધરી હતી. ત્યારે યુવક બેડ પર પડેલો દેખાતા પોલીસને જાણ કરવામાં આવી હતી. પહેલા યુવકની હત્યા થઈ હોવાની ચર્ચાઓ ફરતી થઈ હતી. પોલીસ તપાસમાં હાર્ટ એટેકથી મોત થયો હોવાનું સામે આવ્યું હતું.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
