Team Chabuk-Gujarat Desk: રાજ્યમાં વધુ એક વિદ્યાર્થીનું હાર્ટ એટેકના કારણે મોત થયું છે. વડોદરામાં એમ.એસ.યુનિવર્સિટીમાં સાયન્સ ફેકલ્ટીમાં અભ્યાસ કરતા વિદ્યાર્થીના અચાનક ધબકારા થંભી ગયા. અચાનક યુવાન દીકરાનું મોત થતા તેના પરિવારજનોમાં શોકનો માહોલ છે. તો વિદ્યાર્થીના મિત્રો પણ શોકાતૂર છે.
મળતી માહિતી મુજબ દીપ ચૌધરી નામનો વિદ્યાર્થી એમ.એસ યુનિવર્સિટીમાં ઝુઓલોજીમાં અભ્યાસ કરતો હતો. દીપ હોસ્ટેલમાં પોતાનના મિત્રોને મળવા ગયો હતો. આ જ દરમિયાન મિત્રો સાથે વાત કરતા કરતા દીપને છાતીમાં દુઃખાવો ઉપડ્યો હતો અને પળવારમાં જ તે મિત્રોની સામે જ ઢળી પડ્યો હતો.
દીપના મિત્રો દીપને તાત્કાલિક સયાજી હોસ્પિટલમાં સારવાર માટે લઈ ગયા હતા. જો કે, ત્યાં સુધીમાં દીપના શરીરમાંથી જીવ ઉડી ગયો હતો. હોસ્પિટલમાં હાજર તબીબોએ દીપને મૃત જાહેર કર્યો હતો.
મહત્વનું છે કે, રાજ્યમાં છેલ્લા કેટલાય સમયથી હાર્ટ એટેકના કિસ્સાઓ વધ્યા છે. ક્યારેક રમતા-રમતા, ક્યારેક ચાલતા ચાલતા, જમતા જમતા કે વાતો કરતા કરતા માણસ ક્યારે હાર્ટ એટેકનો શિકાર બની જાય તેનું નક્કી નથી રહ્યું.
હાર્ટ એટેકથી બચવા ડોક્ટરો નિયમિત કસરત કરવાની અને પૌષ્ટીક ભોજન કરવાની સલાહ આપે છે. સામાન્ય કસરતો, રોજનું બેઠાડું જીવન હોય તો ચાલવા કે દોડવાથી શરીર તંદુરસ્ત રહે છે. પરિણામે રોગ પ્રતિકારક શક્તિ પણ વધે છે. છાતીમાં દુઃખાવો હોય તો તાત્કાલિક ડોક્ટરની સલાહ લેવી જોઈએ.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
