જળબંબાકાર: અમદાવાદમાં વીજળી, વરસાદ અને પવનનું ત્રિવેણી સંગમ

Team Chabuk-Gujarat-Desk: લાંબા વિરામ બાદ ગઈકાલે મહાનગરી અમદાવાદમાં ધોધમાર વરસાદ ખાબક્યો હતો. રાતના આઠ વાગ્યાની આસપાસ શરૂ થયેલા મેઘરાજાએ સર્વત્ર જળબંબાકાર કરી દીધું હતું. વાતાવરણમાં ઠંડક પ્રસરી ગઈ હતી તો અમદાવાદીઓ માટેની સમસ્યા પણ રાબેતા મુજબ ઠેરની ઠેર રહી હતી. જેની સોશિયલ મીડિયામાં પણ હાંસી ઉડી હતી. અમદાવાદના ભારે અવર જવરવાળા વિસ્તારોમાં પાણી ભરાયા હતા જેથી લાંબો સમય સુધી ટ્રાફિક જામની અગવડતાનો લોકોએ સામનો કરવો પડ્યો હતો.

ગુજરાતના મોટાભાગના શહેરોમાં અષાઢીબીજના પાવન અવસરે મેઘરાજાએ દેખા દેતા ગુર્જરવાસીઓ આનંદમાં આવી ગયા હતા. તેમાંય મહાનગરી અમદાવાદમાં પડેલા ધોધમાર વરસાદે અસહ્ય ઉકળામાંથી શાંતિ આપી હતી. મેઘરાજાના આગમનથી વાતાવરણમાં શીતળતા પ્રસરી ગઈ હતી. શહેરના કેટલાક નીચાણવાળા વિસ્તારોમાં પાણી ભરાયા હતા. તો કેટલીક જગ્યાએ મનપાની કામગીરી ઉઘાડી પડી ગઈ હતી.

અમદાવાદ મા એક કલાક મા દોઢ ઈચ વરસાદ પડતા ઠેર ઠેર પાણી ભરાઈ જવા ની સમસ્યા યથાવત,
AMC ની પ્રી મોનસુન પ્લાન માત્ર કાગળ ઉપર.

— Narayan Bharwad NSUI (@NsuiBharwad) July 11, 2021

અમદાવાદ મા એક કલાક મા દોઢ ઈચ વરસાદ પડતા ઠેર ઠેર પાણી ભરાઈ જવા ની સમસ્યા યથાવત,
AMC ની પ્રી મોનસુન પ્લાન માત્ર કાગળ ઉપર.#ભાજપરાજ

— SAFFAN RADHANPURI NSUI (@SaffanRadhanpu1) July 11, 2021

અમદાવાદમાં રવિવારની સંધ્યાનું ચિત્ર કંઈક અલગ ભાસતું હતું. વાતાવરણમાં અચાનક પલટો આવી ગયો હતો અને ઠંડી હવા ફેંકાવા લાગી હતી. એક કલાક બાદ ગાજવીજ સાથે મેઘરાજાનું આગમન થયું હતું. હંમેશાં વાહનોથી ચિક્કાર ભરાઈ રહેતા વિસ્તારોમાં લોકોને અગવડતાનો સામનો કરવો પડ્યો હતો.

Heavy rainfall with #thunderstorm in #Ahmedabad n #Gandhinagar
કોઈ પણ જાતના એંધાણ વગર વિજળીના તડાકા ભડાકા સાથે અમદાવાદ -ગાંધીનગરમાં ધોધમાર વરસાદ.
PS. વરસાદ તો સમજ્યા પણ આવી ભયાનક વિજળીઓ અત્યારસુધી ક્યારેય નથી જોઈ.
અચાનક કોઈ આતંકી હુમલો થયો હોય ને એવી feelings આવી#BaniKiVani pic.twitter.com/hX6c6zPjE0

— Bansi Rajput (@BansiRajput111) July 11, 2021

ભારે વરસાદથી મણિનગર, આંબાવાડી, હાટકેશ્વર સર્કલ, પાલડી, વેજલપુર, શાહીબાગ સહિતના વિસ્તારોમાં વાહનચાલકો ફસાઈ ગયા હતા. પાણી ભરાવાને લીધે એકથી દોઢ કિલોમીટર જેટલી લાંબી વાહનોની કતારો જોવા મળી હતી.

આજ રોજ અમદાવાદ શહેરમાં સવારે 6થી 8 દરમિયાન સરેરાશ 1 ઈંચથી વધુ વરસાદ નોંધાયો #Ahmedabad #rain @AmdavadAMC #ZEE24KALAK https://t.co/qT7akelksH

— Dixit Soni (@DixitGujarat) July 11, 2021

શહેરના બોપલ વિસ્તારમાં રાતના આઠ વાગ્યે મેઘરાજાએ પોતાનું રૌદ્ર સ્વરૂપ બતાવ્યું હતું. અહીં ગાજવીજ સાથે વરસાદ પડ્યો હતો. અહીં પવન, વીજળી અને વરસાદનું ત્રિવેણી સંગમ જોવા મળ્યું હતું. અમદાવાદમાં ગઈકાલે ક્યાં કેટલો વરસાદ પડ્યો તેના પર આંકડાકીય નજર નાખીએ તો…

અમદાવાદમાં કેટલો વરસાદ

ગુજરાતના અન્ય વિસ્તારોમાં કેટલો?

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત