Team Chabuk-Gujarat Desk: રાજ્યભરમાં દારૂની હેરાફેરી બેફામ થઈ રહી છે. તંત્રના નાક નીચે દારૂનો વેપલો ચાલી રહ્યો છે. જો કે ઘણી વખત પોલીસના ડરના કારણે બુટલેગરો દારૂની હેરાફેરીમાં નીતનવા કિમીયા અજમાવતા હોય છે. ત્યારે રાજકોટ શહેરમાં પણ એક બુટલેગરે દારૂની હેરાફેરી માટે એક નવો નુસ્ખો અપનાવ્યો હતો. પરંતું બુટલેગરનો આ કિમીયો પોલીસે નિષ્ફળ બનાવ્યો હતો.
રાજકોટ શહેરમાં ભકિતનગર પોલીસે લીલા ચણાની આડમાં દારૂની હેરાફેરી કરતા બોલેરો ચાલકની ધરપકડ કરી છે. પોલીસે અલગ બ્રાન્ડની 540 નંગ દારૂની બોટલ અને બોલરે સહિત કુલ રૂ.5.70 લાખનો મુદ્દામાલ જપ્ત કર્યો છે..
હાલ બજારમાં લીલા ચણાની સિઝન ચાલી રહી છે ત્યારે રાજકોટમાં એક ચાલાક બુટલેગરે લીલા ચણાની આડમાં પીકઅપ વાનમાં દારૂની 540 બોટલો છુપાવી હતી અને એક ડ્રાઈવરને આ દારૂનો જથ્થો જે-તે જગ્યાએ પહોંચાડવા મોકલ્યો હતો. જોકે આ હેરાફેરી સફળ થાય તે પહેલાં જ મુદ્દામાલ સાથે રાજકોટ પોલીસે આ દારૂ સાથે ચાલકને ઝડપી પાડ્યો છે.
રાજકોટની ભકિતનગર પોલીસે 80 ફુટ રોડ સીતારામ સોસાયટી મેઇન રોડ ખાતેથી બોલેરો પીકઅપ અને દારૂનો જથ્થો મળી 5.70 લાખનો મુદ્દામાલ કબ્જે કર્યો છે. રાજસ્થાની બોલેરો ચાલક અમ્રિતલાલા ગણપતલાલ નૈન બીશ્નોઈ(ઉ.વ. 22, તેત્રોલ, ચિતલવાના, રાજસ્થાન)ની ધરપકડ કરી છે અને દારૂ મોકલનાર બુટલેગર, અને કોણે મંગાવ્યો હતો? તેની શોધખોળ શરૂ કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
