Team Chabuk-Gujarat Desk: બિપોરજોય (biparjoy) નામનું ખતરનાક વાવાઝોડું ગુજરાતના દરિયા કિનારા તરફ આગળ વધી રહ્યું છે. 5 કિલોમીટર દર પ્રતિ કલાકની ઝડપી વાવાઝોડું ગુજરાત તરફ આવી રહ્યું છે. જેમ જેમ વાવાઝોડું નજીક આવી રહ્યું છે તેમ તેમ ખતરો પણ વધી રહ્યો છે. સરકારે પોતાના તમામ સંસાધનો બચાવકાર્યમાં અને લોકોને સુરક્ષિત જગ્યાએ ખસેડવામાં લગાવી દીધા છે. તે જોતાં જ આ વાવાઝોડું કેટલું ખતરનાક હશે તેનો અંદાજો લગાવી શકાય છે. વાવાઝોડાના આગમન પહેલા અનેક જગ્યાએ તેજ ગતિથી પવન પણ ફૂંકાવા લાગ્યો છે અને કેટલાક જિલ્લાઓમાં વરસાદ પણ પડી રહ્યો છે. ત્યારે જાણીતા હવામાન નિષ્ણાત અંબાલાલ પટેલે (ambalal patel) વાવાઝોડાને લઈને ભયાનક આગાહી કરી છે.
બિપોરજોય વાવાઝોડાને લઈ અંબાલાલ પટેલે આગાહી કરી છે અને જણાવ્યું છે કે, ગુજરાતમાં પાછલા વર્ષોમાં ન જોયું હોય તેવું વાવાઝોડું આ વર્ષે આવ્યું છે. બિપોરજોય વાવાઝોડાની અસર ગુજરાતમાં છેલ્લા ઘણા વર્ષોમાં આવેલા વાવાઝોડામાં સૌથી મોટી છે. ગુજરાતના અનેક વિસ્તારોમાં ગાજવીજ અને ધૂળના તોફાનો, સાથે કડાકા-ભડાકા, આંધી સાથે વરસાદ વરસી શકે છે. રાજ્યના પશ્ચિમ કાંઠા પર વાવાઝોડાની સૌથી વધુ અસર જોવા મળી શકે છે તેમજ તેજ પવન સાથે વરસાદ ખાબકી શકે છે.
અંબાલાલે વધુમાં જણાવ્યું કે, ગુજરાતનો દરિયો તોફાની બનશે અને ભારે કરંટ જોવા મળશે. એટલું જ નહીં, ભારે પવન ફૂંકાશે અને ઊંચા મોજા ઉછળશે. ભારે વરસાદની સ્થિતિ મધ્ય ગુજરાતમાં પણ જોવા મળશે. વાવાઝોડાની સૌથી વધારે અસર ઓખા, દ્વારકા, માંગરોળમાં વર્તાશે. તો વેરાવળ, ગીર સોમનાથ, અમરેલી અને ભાવનગરમાં પણ થશે. વાવાઝોડાને પગલે વલસાડ, નવસારીના ભાગોમાં અતિભારે વરસાદ પડશે.
આગામી 13થી 16 જૂન દરમિયાન વરસાદની સંભાવના સૌથી વધારે છે. 13થી 16 જૂન દરમિયાન વડોદરા, આણંદ, અમદાવાદ, ગાંધીનગર સુધી વાવાઝાડાની અસર થશે. મધ્ય ગુજરાતના આ ભાગોમાં હળવાથી ભારે વરસાદની સંભાવના છે. એટલું જ નહીં, આ તારીખોમાં ગુજરાતના કેટલાક ભાગોમાં ભારે ગાજવીજ અને ધૂળની ડમરી સાથે વરસાદ તૂટી પડશે. બંગાળના ઉપસાગરમાં પણ એક સિસ્ટમ સક્રિય થઈ છે. જેના કારણે વાવાઝોડું મજબૂત બન્યું છે. વાવાઝોડું જેમ-જેમ નજીક આવશે તેમ-તેમ રાજ્યમાં ભારે પવન ફૂંકવા લાગશે તેવું જણાવાયું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 નામનું ખતરનાક વાવાઝોડું ગુજરાતના દરિયા કિનારા તરફ આગળ વધી રહ્યું છે. 5 કિલોમીટર દર પ્રતિ કલાકની ઝડપી વાવાઝોડું ગુજરાત તરફ આવી રહ્યું છે. જેમ જેમ વાવાઝોડું નજીક આવી રહ્યું છે તેમ તેમ ખતરો પણ વધી રહ્યો છે.){kind=link}