Team Chabuk-Gujarat Desk: ગુજરાતમાં છેલ્લા ઘણા સમયથી નાની ઉંમરમાં લોકોને હાર્ટ એટેક આવવાના કિસ્સામાં વધારો થયો છે. ત્યારે આવો જ એક બનાવ આણંદમાં બન્યો છે. આણંદના ઓડમાં 22 વર્ષના યુવકને હાર્ટ એટેક આવ્યો છે જેમાં યુવકનું મોત નિપજ્યું છે. 22 વર્ષીય યુવકના મોતથી પરિવારમાં માતમ છવાયો છે.
આણંદ જિલ્લાના ઉમરેઠ તાલુકાના ઓડ ગામમાં 22 વર્ષીય યુવક જીલ ભટ્ટ પોતાના પરિવાર સાથે રહેતો હતો અને તે અભ્યાસ પૂર્ણ થતા નડિયાદમાં મોબાઇલની દુકાનમાં મોબાઈલ રિપેરીંગનું કામ કરતો હતો. તો જીલના પિતા ચંદ્રકાંતભાઈ ટીવી રિપેરીંગનું કામ કરી પોતાના પરિવારનું ગુજરાન ચલાવી રહ્યા છે. ત્યારે ગઈકાલે બુધવારે આશરે સવારે 8 વાગ્યાની આસપાસ જીલ સવારે ઉઠીને બાથરૂમમાં ગયો હતો. ઘણો સમય વીતી ગયો છતાય જીલ બાથરૂમની બહાર આવ્યો નહીં. જેને લઇને પરિવારજનોને આશંકા થતા બાથરૂમનો દરવાજો ખખડાવી જીલને બૂમો પાડી હતી. પરંતુ જીલનો કોઈ જવાબ ન આવ્યો ન હતો. ત્યારબાદ પરિવારજનોએ બાથરૂમનો દરવાજો તોડતાં પરિવારના સભ્યો ચોંકી ગયા હતા. કેમ કે જીલ બાથરૂમમાં બેભાન હાલતમાં પડ્યો હતો.
પરિવારજનોએ તાત્કાલિક જીલને હોસ્પિટલમાં ખસેડ્યો હતો. પરંતુ કમનસીબે હોસ્પિટલમાં તબીબોએ જીલને મૃત જાહેર કર્યો હતો. અને મોતનું કારણ હાર્ટ એટેક હોવાનું જણાવ્યું હતું. 22 વર્ષના જીલ નામના યુવકને હાર્ટ એટેક આવતા સમગ્ર પંથકમાં પણ અરેરાટી વ્યાપી ગઈ છે. મૃતક જીલ પરિવારનો એકનો એક સંતાન હતો અને પરિવારનું ગુજરાન ચલાવી રહ્યો હતો. ત્યારે યુવાન પુત્રનું મોત થતાં પરિવારજનો ઘેરા શોકમાં ડૂબી ગયા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
