Team Chabuk-Gujarat Desk: અમદાવાદમાં એક યુવકે હદ વટાવી. એક પરણિત યુવતીની તેના ઘરમાં જઈને છેડતી કરી એટલું જ નહીં યુવતીને ધમકી આપી કે તુ પ્રેમ સંબંધ નહીં રાખે તો તારા બાળકોને મારી નાખીશ. શહેરના જમાલપુર વિસ્તારનો આ કિસ્સો છે. જ્યાં એક યુવક નજીકમાં રહેતી યુવતીને પ્રેમ સબંધ રાખવા માટે દબાણ કરતો હતો. તાજેતરમાં જ એક દિવસ યુવતી ઘરે હાજર હતી ત્યારે આ યુવક ઘરમાં ઘુસી આવ્યો હતો અને બાદમાં યુવતીને બાહોપાશમાં પકડી છેડતી કરવા લાગ્યો હતો. યુવતીની છેડતી કરી ધમકી આપી ફરાર થઈ ગયો હતો.
આ સમગ્ર મુદ્દે યુવતીએ ગાયકવાડ હવેલી પોલીસ સ્ટેશનમાં ફરિયાદ નોંધાવી હતી ત્યારબાદ પોલીસે ગુનો નોંધી આરોપીને તાત્કાલિક ઝડપી લીધો હતો.આરોપીની પૂછપરછ દરમિયાન તેનુ નામ સલમાન ઉર્ફે કાળી નાગોરી હોવાનું સામે આવ્યુ છે. આરોપી ગુનાહિત ઈતિહાસ પણ ધરાવે છે.
જમાલપુરમાં 29 વર્ષીય યુવતી તેના બે બાળકો સાથે રહે છે. પતિ નોકરીના કામથી અવાર નવાર બહાર ગામ જતો હોય છે. આ તમામ વાતોની આરોપી યુવકને અગાઉથી જાણ હતી. જે બાદ અનેકવાર આરોપી યુવતીનો પીછો પણ કરતો હતો અને વારંવાર પ્રેમ સંબંધ રાખવા કહેતો હતો. હાલ આ સમગ્ર મુદ્દે પોલીસે વધુ તપાસ હાથ ધરી છે.
તાજેતાજો ઘાણવો
- રાજકોટ-મુંબઈ વચ્ચે દોડશે સુપરફાસ્ટ તેજસ ટ્રેન, જાણી લો ટાઈમટેબલ
- રાજ્ય સરકારના કર્મચારીઓના મોંઘવારી ભથ્થામાં વધારો
- ઊના: સૈયદ રાજપરામાં થયેલી ઘરફોડ ચોરીનો ભેદ ઉકેલાયો, પાડોશી મહિલાએ જ કરી કળા !
- સુરેન્દ્રનગરમાં સી.યુ. શાહ ટી.બી. હોસ્પિટલની બેદરકારીના કારણે દીકરીનો જીવ ગયો હોવાનો આરોપ
- મોરબીના મચ્છુ-3 ડેમમાં માતા-પુત્રીએ ઝંપલાવ્યું, દીકરીનું મોત
