Team Chabuk-Gujarat desk: અમદાવાદમાંથી એક ચોંકાવનારા સમાચાર સામે આવ્યા છે. અમદાવાદના થલતેલ વિસ્તારમાં આવેલી ઝેબર સ્કૂલમાં 8 વર્ષની વિદ્યાર્થિનીનું મોત નિપજ્યું છે. સવારે સ્કૂલે જતા સમયે વિદ્યાર્થિની સીડી ચડી રહી હતી અને અચાનક જ તેને છાતીમાં દુઃખાવો થતાં તે સીડી પર જ ઢળી પડી હતી. ત્યારબાદ તાત્કાલિક વિદ્યાર્થિનીને સારવાર માટે હોસ્પિટલ ખસેડાવામાં આવી હતી. જો કે તબીબોએ વિદ્યાર્થિનીને મૃત જાહેર કરી હતી. આ બનાવથી પરિવારજનો અને સ્કૂલમાં શોકનું મોજું ફરી વળ્યું છે.
મળતી માહિતી પ્રમાણે થલતેજમાં આવેલી ઝેબર સ્કૂલમાં અભ્યાસ કરતી ગાર્ગી રાણપરા નામની 8 વર્ષની બાળકી સવારે સીડી ચડતા સમયે છાતીમાં દુઃખાવો થતાં સીડી પર જ ઢળી પડી હતી. જેથી વિદ્યાર્થિનીને ઝાયડસ હોસ્પિટલમાં સારવાર માટે ખસેડવામાં આવી હતી. જો કે હોસ્પિટલમાં હાજર તબીબોએ વિદ્યાર્થિનીને મૃત જાહેર કરી હતી. પોલીસે શાળાએ પહોંચી સીસીટીવી મેળવી તપાસ શરૂ કરી છે. વિદ્યાર્થિનીના વાલી હાલ મુંબઈ છે. તેમજ સ્કૂલમાં ક્રાઇમ બ્રાન્ચના ટીમ અને બોડકદેવ પોલીસે ડોગ સ્કવોડ સાથે તપાસ હાથ ધરી છે.
કાર્ડિયાક એરેસ્ટના કારણે સારવાર દરમિયાન બાળકીનું મોત થયું હોવાનું પ્રાથમિક તારણ સામે આવ્યું છે. આ બાળકી અમદાવાદમાં તેના દાદા અને દાદી સાથે રહેતી હતી. જ્યારે તેના માતા-પિતા મુંબઇ છે અને તેમને જાણ કરવામાં આવી છે. એડમિશન લેતા સમયે કોઈ પણ બીમારી નહોતી.
ઝેબર સ્કૂલ ફોર ચિલ્ડ્રનના પ્રિન્સિપાલ શર્મિષ્ઠા સિન્હાએ જણાવ્યું હતું કે, ગાર્ગી તુષાર રાણપરા ધોરણ 3માં અભ્યાસ કરતી બાળકી સીડી પર જઈ રહી હતી તે સમયે છાતીમાં દુઃખાવો થયો હતો. છાતીમાં દુઃખાવો થતાં બાળકી અચાનક બેસી ગઈ હતી. તેમજ શ્વાસ લેવામાં તકલીફ થતાં તાત્કાલિક સારવાર માટે 108ને ફોન કર્યો હતો. એમ્બ્યુલન્સ આવવામાં વિલંબ થતો હોવાથી સ્ટાફની ગાડીમાં સારવાર માટે ઝાયડસ હોસ્પિટલ ખાતે ખસેડવામાં આવી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
