ગીર સોમનાથઃ હિરણ-૨ ડેમના બે દરવાજા ખોલાયા, શિંગોડા ડેમમાં પણ ૭૫% કરતાં વધારે પાણીની આવક

Team Chabuk-Gujarat Desk: ઉપરવાસમાં સતત પડી રહેલા વરસાદના કારણે ગીર સોમનાથના નદી-નાળા તેમજ જળાશયો અને ડેમ પણ છલકાવાની તૈયારી છે. જેના કારણે વહીવટી તંત્ર દ્વારા વેરાવળ અને તાલાલા તાલુકાના કુલ ૧૩ ગામોને એલર્ટ કરાયા છે ઉપરાંત નીચાણવાળા વિસ્તારના ગામોના લોકોને નદીના પટમાં અવરજવર ન કરવા માટે તેમજ ઢોર-ઢાંખર ન લઈ જવા (હાઈએલર્ટ) તેમજ સંપૂર્ણપણે સતર્કતા રાખવા માટે જણાવાયું છે.

હિરણ-૨ જળાશય હેઠળના અસરગ્રસ્ત ગામમાં તાલાળા તાલુકાના ઉમરેઠી, માલજિંજવા તેમજ સેમરવાવનો સમાવેશ થાય છે જ્યારે વેરાવળ તાલુકાના ભેરાળા, મંડોર, ઈશ્વરિયા, ઈન્દ્રોઈ, નાવદ્રા, સોનારિયા, સવની, બાદલપરા, મીઠાપુર, કાજલી, પ્રભાસપાટણનો સમાવેશ થાય છે.

નોંધનીય છે કે, ઉપરવાસમાં ભારેથી અતિભારે વરસાદ થતાં ગીર સોમનાથના હિરણ-૧ તેમજ હિરણ-૨ ડેમ ૮૫% કરતા વધારે ભરાયા છે. જેથી હવે હિરણ-૨ ડેમના બે દરવાજા ખોલવામાં આવ્યા છે.  તો શિંગોડા ડેમમાં પણ ૭૫% કરતા વધારે પાણીની આવક થઈ છે. નાગરિકોને મદદ મળી રહે તે માટે કંટ્રોલરૂમ પણ ૨૪X૭ કાર્યરત રાખવામાં આવ્યો છે. કોઈપણ મુશ્કેલી પર જિલ્લા કંટ્રોલરૂમ ૦૨૮૭૬-૨૮૫૦૬૩/૬૪ પર સંપર્ક કરવો.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત