Team Chabuk-Gujarat Desk: યુવાનો પણ અંધશ્રદ્ધાના નામે તાંત્રિક વિધિ કરવાના ચક્કરમાં ફસાઈ જતા હોય છે. આ રીતે લોકો છેતરપિંડીનો શિકાર બની રહ્યા છે. અમદાવાદના સાબરમતી વિસ્તારમાં રહેતી એક યુવતીએ બ્રેકઅપ બાદ પ્રેમીને પરત મેળવવા ભૂવાના ચક્કરમાં ફસાઈ હતી. આમ આ યુવતીએ પોતાના દાગીના ખોવાનો વારો આવ્યો છે. પ્રેમી તો ન મળ્યો પરંતુ દાગીના પણ છીનવાઈ જતા આખરે યુવતીએ પોલીસ સ્ટેશનમાં ભૂવા વિરુદ્ધ ફરિયાદ નોંધાવી છે.
સમગ્ર અહેવાલ મુજબ અમદાવાદના સાબરમતી વિસ્તારમાં રહેતી યુવતી કોલેજમાં અભ્યાસ કરે છે. અભ્યાસની સાથે તે નોકરી પણ કરે છે. આ દરમિયાન તેને ઓફિસમાં સાથે કામ કરતા યુવક સાથે પ્રેમ થઈ ગયો અને બંને રિલેશનશીપમાં હતા. જો કે યુવકે કોઈ કારણે તેની સાથે બ્રેકઅપ કરી નાખ્યુ હતું. પરંતુ યુવતી પ્રેમી સાથે જ રહેવા માગતી હતી. તેણે પ્રેમીને મનાવવા માટે ઘણા પ્રયાસ કર્યા પરંતુ તે માન્યો નહીં. એવામાં તે ભૂવાના ચક્કરમાં ફસાઈ હતી.
સોશિયલ મીડિયામાં યુવતીને જ્યોતિષ વિશે જાણ થઈ અને તે તેના સંપર્કમાં આવી. યુવતીએ ભૂવાને પોતાની સમસ્યા બતાવી જે બાદ તેણે પ્રેમી સાથે તેનો મિલાપ કરાવી આપવાનું વચન આપ્યું હતુ. પરંતુ આ માટે તેણે સોનાના દાગીના સાથે કેટલીક વિધિ કરવા કહ્યું અને યુવતી પણ તરત માની ગઈ. બાદમાં ભૂવાએ યુવતીને શાસ્ત્રીનગર મળવા બોલાવી અને તેણે પહેરેલા રૂ.80 હજારની કિંમતના સોનાના દાગીના વિધિના નામે લઈ લીધા. બીજા દિવસે યુવતીએ ફોન કરતા ભૂવાનો નંબર જ સ્વિચ ઓફ આવતો હતો. એવામાં તેને પોતાની સાથે છેતરપિંડી થઈ હોવાનો અહેસાસ થતા આખરે યુવતીએ સાબરમતી પોલીસ સ્ટેશનમાં જઈને ફરિયાદ નોંધાવી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
