Team Chabuk-Gujarat Desk: થોડાં સમય પહેલા જ પોર્ન વેબસાઈટમાં ઓનાલાઈન સેક્સના રવાડે ચડેલા યુવાનનાં કપડાં ઉતારાવી તેનો વીડિયો બનાવી લઈ પૈસાની માગણી કરવામાં આવી હતી અને જો ન આપવામાં આવે તો વીડિયો વાઈરલ કરવાની ધમકી ઉચ્ચારવામાં આવી હતી.
હવે ફરી એક વખત ગોંડલ આવા જ એક કારણસર ચર્ચામાં છે. આ વખતે એક આધેડ ફસાયા છે. આ આધેડ વીઆઈપી મેડમ સાથે ડેટિંગ સેક્સ અને ત્રણ ગણા રૂપિયાના ચક્કરમાં 1,29,33,900 રૂપિયાનો ધુમ્બો લાગી ગયો છે. જો તેઓ સમયસર ચેતીને એ મેસેજના રવાડે ન ચડ્યા હોત તો આમાનું કાંઈ થાત જ નહીં.
આ આધેડનું નામ અશ્વિનભાઈ વિઠ્ઠલભાઈ વિરપરિયા છે. તેમની ઉંમર 51 વર્ષની છે. ગુંદાળા રોજ પર આવેલ બ્રહ્માણી પાર્કમાં રહે છે અને મહારાષ્ટ્રમાં જેસીબી ચલાવવાનો વ્યવસાય કરે છે. તેઓ ડેટિંગ સેક્સના કારણે અધધ રૂપિયા ગુમાવી ચૂક્યા છે.
આ ઘટના એવા સમયે બની જ્યારે અશ્વિનભાઈ મહારાષ્ટ્રથી અમદાવાદ આવી રહ્યા હતા. અહીં તેમના મોબાઈલની સ્ક્રિન પર એક મેસેજ આવ્યો હતો. જેમાં લખવામાં આવ્યું હતું કે, હાઈપ્રોફાઈલ વીઆઈપી મેડમ સાથે ડેટીંગ સેક્સમાં રસ હોય તો મેસેજ કરો. એ પછી બીજો પાસો ફેંકાયો હતો અને મેમ્બરશીપ મેળવવા માટે એકાઊન્ટમાં રૂપિયા ભરવાનું કહેવામાં આવ્યું હતું. સતત અલગ અલગ લોકોનાં ફોન આવતા રહ્યા હતા. અશ્વિનભાઈએ આંગડિયા પેઢી આરસી એન્ટરપ્રાઇઝ, પીએમ એન્ટરપ્રાઇઝ મારફત રકમ ટ્રાન્સફર કરી હતી અને રોકેલા રૂપિયા ત્રણ ગણા કરવાની લાલચ પણ આપી હતી. જોકે અશ્વિનભાઈને છેતરામણીનો ભોગ બન્યાની મોડે મોડે ખબર પડી હતી.
આ કારણે પોલીસ સ્ટેશને શિક્ષા બક્ષી, અભિષેક, જોસેફ, કમલેશ, કૌશલ, એપલ, અલ્પેશ, દાનિશ પટેલ, કેરાજ ભાટી, કેશવ, રોહન પવાર, નિમેષ સોની રમેશ અને પાર્થ યાજ્ઞિક નામના શખ્સો વિરૂદ્ધ પોલીસ ફરિયાદ નોંધવવામાં આવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
