Team Chabuk-Gujarat Desk: યુવરાજસિંહની ધરપકડ બાદ યુવરાજના હજારો સમર્થકોએ સોશિયલ મીડિયા પર સરકાર વિરુદ્ધ યુદ્ધ છેડ્યું છે. સોશિયલ મીડિયા પર હાલ isupportyuvarajsinh ટ્રેન્ડ કરી રહ્યું છે. વિદ્યાસહાયકો તેમજ વિદ્યાર્થીઓ યુવરાજસિંહને સપોર્ટ કરી રહ્યા છે. સાથે જ સરકાર વિરુદ્ધ આક્રોશ ઠાલવી રહ્યા છે.
યુવરાજસિંહના સપોર્ટમાં એક ટ્વીટર યુઝરે લખ્યું છે કે,
દરેક ચહેરા જાણે પહેરો ભરીને બેઠા છે
ખોટા સવાલો કરવા ઘેરાવો કરીને બેઠા છે,
સફળ થવાને પોતે રમવા નહીં ઉતરે ક્યારેય
બોલનારા સામે ખોટો બળવો કરવાને બેઠા છે
અન્ય કેટલાક વિદ્યાર્થીઓએ આવનારી પોલીસ કોન્સ્ટેબલની પરીક્ષામાં બ્લેક કપડાં પહેરી સરકારનો વિરોધ નોંધાવવા તેમજ યુવરાજસિંહને સપોર્ટ કરવા સોશિયલ મીડિયા પર અપીલ કરી છે.
એક યુઝરે લખ્યું છે કે, સત્ય પરેશાન થઈ શકે પરંતુ પરાજીત નહીં. સાથે જ યુવરાજસિંહને જેલમુક્ત કરવાની પણ માગણી કરી છે.
ઉલ્લેખનીય છે કે, ગાંધીનગર પોલીસે યુવરાજ સામે કલમ 307 હેઠળ ગુનો દાખલ કર્યો છે. વિદ્યાસહાયકોના સમર્થનમાં પહોંચેલાં યુવરાજસિંહે પોલીસ પર કાર ચડાવવાનો પ્રયાસ કર્યો હોવાનો આરોપ છે. આ સમગ્ર ઘટનાનો એક વીડિયો પણ સામે આવ્યો હતો. જો કે, યુવરાજના સમર્થકો રહી રહ્યા છે કે, આ વીડિયો અધુરો છે. બીજી તરર પોલીસ યુવરાજના મોબાઈલ રેકોર્ડ પણ તપાસશે.
યુવરાજસિંહની ધરપકડ બાદ માત્ર વિદ્યાર્થીઓ જ નહીં પરંતુ કરણી સેનાએ પણ યુવરાજની જેલમુક્તિની વાત કરી છે. કરણી સેનાએ સોશિયલ મીડિયા પર એક વીડિયો પોસ્ટ કરી યુવરાજસિંહને સમર્થન જાહેર કર્યું છે.
યુવા નેતા યુવરાજસિંહ જાડેજા ની ધરપકડ ને વખોડિયે છીએ. કરણી સેના પરિવાર યુવરાજસિંહની સાથે છે. કરણી સેના પરિવાર યુવરાજસિંહ ને સમર્થન જાહેર કરે છે.#Gujarat pic.twitter.com/epPYttCUzM
— RAJ SHEKHAWAT (@IAMRAJSHEKHAWAT) April 6, 2022
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
