Team Chabuk-Gujarat Desk: મહેસાણામાં સગીર વયની પ્રેમિકાએ પોતાના પ્રેમીને જેલના સળીયા પાછળથી ભગાડીને આઝાદ કર્યો છે. વાત કંઇક એવી છે કે, એક સગીરા પોતાના પ્રેમી સાથે ભાગી ગઇ હતી. જેથી તેના પરિવારજનોએ પ્રેમી વિરૂદ્ધ ફરિયાદ નોંધાવી હતી. જોકે, વકીલ મારફતે પ્રેમી યુગલ પોલીસ સ્ટેશનમાં હાજર થયું હતું. ત્યારબાદ ફિલ્મી ડ્રામા સર્જાયો હતો.
મહેસાણા જિલ્લાના કડીમાં રહેતા યુવકને પોતાની શેરીમાં જ રહેતી સગીરા સાથે પ્રેમ થઇ ગયો હતો. થોડા સમય પહેલાં બંને પ્રેમી પંખીડા ભાગી ગયા હતા. આ મામલે સગીરાના પરિવાજનોએ યુવક સામે પોલીસ ફરિયાદ નોંધાવી હતી. પોલીસ ફરિયાદ નોંધાયા બાદ પોલીસ પ્રેમી પંખીડાની શોધખોળ કરી રહી હતી. આ વચ્ચે ફરાર થયેલા પ્રેમી પંખીડા વકીલ મારફતે નંદાસણ પોલીસ મથકે હાજર થયા હતા.
નંદાસણ પોલીસ મથકમાં હાજર થતા પોલીસે પ્રેમીની અટકાયત કરી લીધી હતી અને પ્રેમીને લોકઅપમાં પુરી દીધો હતો. જ્યારે પ્રેમિકાને લોકઅપની બહાર મહિલા જી.આર.ડી. પાસે રાખી હતી. આ દરમિયાન મધરાતે ત્રણ વાગ્યાના અરસામાં મહિલા જી.આર.ડી. અને પોલીસ કર્મચારીઓને ઉંઘ ચડી ગઈ હતી. ત્યારે પ્રેમીએ પ્રેમિકાને ડ્રોવરમાંથી ચાવી લઇને લોકઅપ ખોલવાનું કહ્યું હતું. જેથી પ્રેમિકાએ પ્રેમીના કહેવા મુજબ ડ્રોવરમાંથી ચાવી લઇને લોકઅપનું તાળુ ખોલી નાખ્યું હતું.
લોકઅપનું તાળુ ખોલી પ્રેમીને બહાર કાઢીને બંને ભાગ્યા હતા. જોકે, અવાજ થતાં પોલીસ સ્ટાફ જાગી ગયો હતો. જેથી પ્રેમી દોટ મૂકી પોલીસ સ્ટેશનની દીવાલ કૂદી ફરાર થવામાં સફળ થયો હતો. જ્યારે પ્રેમિકા ભાગે તે પહેલાં જ પોલીસે તેને ઝડપી લીધી હતી. પોલીસે ગતરાતથી પ્રેમીની શોધખોળ હાથ ધરી છે. જોકે હજું પ્રેમી મળ્યો નછી. આ મામલે નંદાસણ પોલીસ મથકના હેડકોન્સ્ટેબલ નિકિતાબેને પ્રેમી-પ્રેમિકા વિરુદ્ધ વધુ એક પોલીસ ફરિયાદ નોંધાવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
