Team Chabuk-Guajrat Desk: રાજ્યમાં વધુ એક પેપર ફૂટ્યું છે, ગુજરાત પંચાયત સેવા પસંદગી બોર્ડ દ્વારા લેવાનારી જુનિયર ક્લાર્કની સ્પર્ધાત્મક પરીક્ષા મોકૂફ રાખવામાં આવી છે. સવારે 11થી 12 કલાક દરમિયાન યોજાવાની હતી પરીક્ષા. પોલીસે બાતમીના આધારે એક શંકાસ્પદ શખ્સની ધરપકડ કરી છે. ધરપકડ કરાયેલા શખ્સ પાસેથી પ્રશ્નપત્રની નકલ મળી આવતા પરીક્ષા મોકૂફ રાખવામાં આવી છે.
મહત્વનું છે કે, અલગ-અલગ જિલ્લામાંથી ઉમેદવારો પોતાના કેન્દ્ર પર પહોંચી ગયા હતા. કેટલાક ઉમેદવારો રસ્તામાં હતા. કોઈ બસમાં તો કોઈ પોતાના ટુ વ્હીલરમાં ઠરતા ઠરતાં એક શહેરમાંથી બીજા શહેરમાં પહોંચ્યા હતા. આવા સમયે પરીક્ષા મોકૂફ રહેવાની માહિતી મળતા ઉમેદવારોએ રોષ વ્યક્ત કર્યો હતો.
પંચાયત સેવા પસંદગી મંડળ વર્ગ 3 જૂનિયર ક્લાર્કની પરીક્ષાનું આયોજન કરવામાં આવ્યું હતું. રાજ્યભરના 2,995 પરીક્ષા કેન્દ્રના 31,794 વર્ગખંડમાં પરીક્ષાનું આયોજન કરવામાં આવ્યું હતું. 9 લાખથી વધુ ઉમેદવારો પરીક્ષા આપવાના હતા.
પેપર ફૂટતા કોંગ્રેસે સરકાર પર સવાલો ઉઠાવ્યા.
જુનિયર ક્લાર્કની પરીક્ષાનું પેપર ફૂટી જવાના કારણે પરીક્ષા રદ, લાખો વિધાર્થીઓ અને તેમના પરિવારના સભ્યોનો શું વાંક? ભવિષ્યનો શું વાંક? એક જ વાંક ને કે તમારા પર ભરોસો રાખીને જંગી બહુમતીથી જીતાડ્યા !#ગુજરાત #Gujarat #Paperleak https://t.co/LqLn7K9pXd
— Jagdish Thakor (@jagdishthakormp) January 29, 2023
જુનિયર ક્લાર્કની પરીક્ષાનું પેપર ફૂટી જવાના કારણે પરીક્ષા રદ, લાખો વિધાર્થીઓ અને તેમના પરિવારના સભ્યોનો શું વાંક? ભવિષ્યનો શું વાંક? એક જ વાંક ને કે તમારા પર ભરોસો રાખીને જંગી બહુમતીથી જીતાડ્યા !#ગુજરાત #Gujarat
— Gujarat Youth Congress (@IYCGujarat) January 29, 2023
આમ આદમી પાર્ટીના પ્રદેશ પ્રમુખ ઈસુદાન ગઢવીએ સરકારને આડેહાથ લીધી. તેમણે કહ્યું કે, પેપર નહીં પરંતુ ઉમેદવારોની કિસ્મત ફૂટી છે.
એની ના તો વિપક્ષને જાણ હતી કે ના તો મીડિયાને પરંતુ અરવિંદજી અને ભગવત માન જી એ એને તુરંત જેલમાં નાખી દીધા હતા ! જ્યાં સુધી ભાજપ પોતાના માથાઓને બચાવશે ત્યાં સુધી પેપર અને ઉમેદવારોની કિસ્મત ફૂટતી રહેશે ! દુઃખદ
— Isudan Gadhvi (@isudan_gadhvi) January 29, 2023
આ મુદ્દે આમ આદમી પાર્ટીના નેતા યુવરાજસિંંહ જાડેજાએ સરકાર પર પ્રહાર કર્યા હતા.
#જુનિયર_ક્લાર્ક પરીક્ષા પેપર ફૂટવાને કારણે રદ કરાઈ છે.
— Yuvrajsinh Jadeja (@YAJadeja) January 29, 2023
ભૂતકાળ ની પરીક્ષાઓમાં પેપર ફૂટ્યા એમાં કોઈ બોધપાઠ કે એક્શન લેવામાં આવેલ નથી એટલે આ પુનરાવર્તન થઈ રહિયુ છે.
થોડા દિવસોમાં નવી તારીખ જાહેર થશે pic.twitter.com/MLHuciblrM
ઉમેદવારો ફ્રીમાં એસ.ટીમાં મુસાફરી કરી શકશે
ગુજરાત પંચાયત સેવા પસંદગી મંડળ, ગાંધીનગર દ્વારા ઉમેદવારો માટે જાહેરાત કરવામાં આવી છે કે, આ પરીક્ષા માટે આવેલા ઉમેદવારો પરીક્ષા કેન્દ્રથી તેમના મૂળ રહેઠાણ ખાતે પરત જવા ગુજરાત એસ.ટી બસમાં વિનામૂલ્યે પ્રવાસ કરી શકશે. જે માટે ઉમેદવાર પોતાનો અસલ પ્રવેશ પત્ર/હોલ ટિકિટ અને અસલ ફોટો ઓળખપત્ર બતાવીને ગુજરાત એસ.ટી બસમાં વિનામૂલ્યે મુસાફરી કરી શકશે
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
