Team Chabuk-Gujarat Desk: રંગીલા રાજકોટમાં બીલાડીના ટોપની માફક દાદાગીરી કરનારા અસમાજીક તત્વોનો શેરીએ શેરીએ રાફડો ફાટી નીકળ્યો છે. આ વખતે દાદાગીરી કરનારા બે ભાઈઓ છે. જેમણે એક મહિલાને તમાચો ઝીંકી દીધો છે. સણસણતો તમાચો ફટકારવાની ઘટના બન્યા બાદ, આ સમગ્ર મામલો પોલીસ સ્ટેશને પહોંચ્યો હતો. મહાનગર પાલિકામાં સફાઈ કામદાર તરીકેની નોકરી કરતા નરેશભાઈને ત્યાં જ રહેતા અરમાન અને અનમોલ વિરૂદ્ધ પોલીસ ફરિયાદ નોંધાવી છે.
નરેશભાઈ સમાજના પ્રશ્નોનું સમાધાન કરે છે. આવી જ એક સમસ્યાનો ઉકેલ લાવવા માટે તેઓ અન્ય આગેવાનો સાથે પોતાના ઘરમાં બેઠા જમાવીને બેઠા હતા. એવામાં અનમોલ અને અરમાન નામેરી બંને ભાઈ ત્યાં આવી સમાજના આગેવાનો સાથે ઝઘડો કરવા લાગ્યા હતા. ત્યાં સમાજના આગેવાન નરેશભાઈના પત્ની પણ હાજર હતા. જેમણે સમાજનું કામ હોય વાંધા વચકા કેમ કાઢો છો તેવું કહી મામલો થાળે પાડવાનો પ્રયાસ કર્યો હતો.
જોકે આ મામલો આ બેઉં ભાઈઓના કારણે વધારે બગડ્યો. બંને ભાઈએ નરેશભાઈની પત્નીને અમે 320 ક્વાર્ટરના બાપ છીએ કહી જાનથી મારી નાખવાની ધમકી આપી હતી. ઘટના હાથમાંથી સરકતી જોઈ, ઘર ઉપરથી અન્ય આગેવાનો પણ આવ્યા હતા, જોકે ત્યાં સુધીમાં બંને ભાઈઓ ભાગી ચૂક્યા હતા. હાલ આ બંને ભાઈઓની વિરદ્ધ નરેશભાઈએ બી ડિવિઝન પોલીસ સ્ટેશનમાં ફરિયાદ નોંધાવી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
