Team Chabuk-Gujarat Desk: દુનિયાભરમાં કોરોનાના કેસ હળવા થતાં ફ્લાઈટ્સ ફરી શરૂ થઈ છે. આવી સ્થિતિમાં ફરી એકવાર કસ્ટમ વિભાગે સોનાની દાણચોરીને રોકવા માટે શક્ય તમામ પ્રયાસો શરૂ કર્યા છે. તાજેતરમાં જ શારજાહથી સુરતની ફ્લાઇટમાં ડિબોર્ડિંગ કરીને એરપોર્ટથી બહાર આવી રહેલા એક વૃદ્ધ દંપતીના શરીરમાંથી 1 કિલો 900 ગ્રામ સોનુ ઝડપાયું હતું. દંપતી કેપ્સ્યૂલના રૂપમાં અને થોડું બેગમાં બોડીમાં સંતાડીને સોનું લઈ આવ્યા હતા જેની અંદાજીત કિંમત 1.01 કરોડ આંકવામાં આવી છે.
કસ્ટમ વિભાગનાં સૂત્રો પાસેથી મળેલી માહિતી મુજબ, રવિવારે રાત્રે લગભગ 12 વાગ્યાની આસપાસ શારજાહથી સુરત જતી ફ્લાઈટ લેન્ડ થઈ હતી. જેનાથી મુસાફરો એરપોર્ટની બહાર ઉતરી જતા હતા. તે દરમિયાન મુંબઈના 60 વર્ષીય ઈકબાલ અને તેમની પત્નીની શંકાસ્પદ હિલચાલના કારણે અટકાયત કરાય હતી.
અટકાયત બાદ બેગ તપાસતાં તેમાંથી સોનું નીકળ્યું હતું. જેના આધારે બંનેને પૂછપરછ માટે લઈ જવામાં આવ્યા હતા. પૂછપરછ દરમિયાન બંને રડવા લાગ્યા હતા અને દંપતીએ પોતે જ સોનાની દાણચોરીની વાત સ્વીકારી હતી.
વધુત તપાસમાં સામે આવ્યું હતું કે, 60 વર્ષીય ઇકબાલે તેના ગુદામાં 04 કેપ્સ્યુલ અને સુગરાના શરીરમાં 02 કેપ્સ્યૂલ છુપાવી હતી. તેમનું કુલ વજન 1 કિલો 900 ગ્રામ હતું. જેની બજાર કિંમત 1.01 કરોડ જણાવવામાં આવી રહી છે. બંનેએ જાતે જ તેમના શરીરમાંથી કેપ્સ્યુલ કાઢીને સોંપી દીધી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
