Team Chabuk-Gujarat Desk: સુરતના અલથાણ વિસ્તારમાં ચાઇના ગેટ પાસે સ્કૂલવાન અને કાર વચ્ચે અકસ્માત સર્જાયો..સદનસીબે આ દુર્ઘટનામાં કોઈ જાનહાનિ નથી થઈ પરંતુ વિદ્યાર્થીઓ ઈજાગ્રસ્ત થયા છે. અકસ્માત એટલો જોરદાર હતો કે, કારે સ્કૂલવાનને ટક્કર માર્યા બાદ સ્કૂલવાન 10 ફૂટ સુધી ઢસડાઈ ગઈ હતી અને ત્યારબાદ પલટી મારી ગઈ હતી અને અકસ્માતના પગલે વિદ્યાર્થીઓનો જીવ જોખમમાં મુકાયો હતો.
મળતી માહિતી મુજબ અકસ્માતમાં એક વિદ્યાર્થીને માથાના ભાગે ગંભીર ઈજા થઈ છે જ્યારે અન્ય બાળકોને પણ નાનીમોટી ઇજાઓ થઈ છે. અકસ્માતની ઘટના સીસીટીવીમાં કેદ થઈ ગઈ છે. સીસીટીવીમાં જોઈ શકાય છે કે, એક કાળા રંગની કાર પૂરપાટ ઝડપે આવે છે અને વાન સાથે ટકરાય છે. ત્યારબાદ વાન પલટી જાય છે.
વાનચાલક પીપલોદ વિસ્તારમાં આવેલી શારદાયત સ્કૂલના વિદ્યાર્થીઓ શાળાએ મુકવા જઈ રહ્યો હતો. જો કે, તેઓ સ્કૂલે પહોંચે તે પહેલાં તેમને મોટું વિધ્ન નડ્યું હતું. અલથાણ વિસ્તારમાં ચાઇના ગેટ પાસે અકસ્માત સર્જાયો હતો. જેના પગલે વિદ્યાર્થીઓની ચિચિયારીથી સમગ્ર રસ્તો ગુંજી ઉઠ્યો હતો. બનાવની જાણ થતાં જ ઘટનાસ્થળે લોકોના ટોળેટોળા એકઠાં થઈ ગયા હતા. બીજી તરફ તાત્કાલિક ઈજાગ્રસ્ત વિદ્યાર્થીઓને હોસ્પિટલ પહોંચાડાય હતા જ્યાં પ્રાથમિક સારવાર બાદ કેટલાક વિદ્યાર્થીને રજા આપી દેવાઈ હતી જ્યારે કેટલાક વિદ્યાર્થીને ઓબ્ઝર્વેશનમાં રખાયા હતા.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
