Team Chabuk-Gujarat Desk: સુરતની ટીકટોક ગર્લ કીર્તિ પટેલ ફરી વિવાદમાં આવી છે. હવે સુરતની ડુમસ પોલીસે કીર્તિ પટેલ વિરુદ્ધ એરહોસ્ટેસ પર હુમલો અને ધમકી આપવા મુદ્દે ફરિયાદ નોંધી છે. આરોપ છે કે, ગોવાથી સુરત આવતી ફ્લાઇટમાં મહિલા ક્રૂ મેમ્બર સાથે માસ્ક ન પહરવા મુદ્દે ઝગડો કર્યો હતો. કીર્તિ પટેલે એરહોસ્ટેસ સાથે મારા-મારી કરતા એર હોસ્ટેટ્સ ઈજાગ્રસ્ત થઈ હોવાનું પણ જાણવા મળ્યુ છે.એટલું જ નહીં ગોવા-સુરત-જયપુર ફ્લાઈટમાં તમામ મુસાફરો સામે થયેલા અપમાનને લઈ એરહોસ્ટેસે રાજીનામુ પણ આપી દીધું હોવાની ચર્ચા છે.
ડુમસના પીઆઈ એ.પી.સોમૈયાએ આ અંગે જણાવ્યું હતું કે ઘટના બાદ એરહોસ્ટેસની ફરિયાદ દાખલ કરી છે. તપાસ PSI PK રાઠોડને સોંપાઈ છે. તપાસમાં જે કંઈ પણ બહાર આવશે તેના આધારે કાયદેસરની કાર્યવાહી કરીશું. હાલ આ કેસમાં તપાસ ચાલું છે.
કીર્તિ પટેલ પર તાજેતરમાં જ અમદાવાદની યુવતીએ પણ મારામારીની ફરિયાદ નોંધાવી છે. યુવતીએ આરોપ લગાવ્યો હતો કે, કીર્તિ અને તેના બે સાથીદારોએ તેણી પર લોખંડની પાઈપ વડે હુમલો કરી દીધો હતો. સાથે જ તેની ગાડીના કાચ પણ તોડી નાખ્યા હતા. હાલ આ મુદ્દે પણ કીર્તિ વિરુદ્ધ તપાસ ચાલી રહી છે.
ટીકટોકમાંથી જાણીતી બનેલી કીર્તિ પટેલ અત્યા સુધીમાં અનેક વિવાદમાં આવી ચુકી છે. તેમજ હત્યાના પ્રયાસમાં જેલવાસ પણ ભોગવી ચુકી છે. જો કે, હવે જેલમાં રહેવું તેની આદત પડી ગઈ હોય તેમ એક પછી એક વિવાદમાં ફસાઈ રહી છે.
કીર્તિ પટેલ સોશિયલ મીડિયામાં ખુબ સક્રિય છે. એટલું જ નહીં સોશિયલ મીડિયા પર પણ તે તેના વિવાદીત નિવેદનોના કારણે ટ્રોલ થતી રહે છે. સાથે જ સોશિયલ મીડિયા પર તે અભદ્ર ટીપ્પણી કરતા પણ સહેજ ખચકાતી નથી જેના કારણે પણ તે સતત વિવાદમાં રહે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
