Team Chabuk-Gujarat Desk: ગુજરાતનની વધુ એક દીકરીને ગુજરાતની જરૂર પડી છે. સામાન્ય ખેડૂત પરિવારમાંથી આવતી દીકરીને બ્રેઈન ટ્યૂમર નામની ગંભીર બીમારી થઈ છે અને દીકરીના ઓપરેશન માટે ત્રણ લાખ જેટલા રૂપિયાની જરૂર છે. પરંતુ દીકરીના પિતા માટે તાત્કાલિક આટલી મોટી રકમ એકઠી કરવી લગભગ અશક્ય છે કારણ કે તેઓ એક GIDCમાં નોકરી કરે છે.
સામાન્ય પગારમાં તેઓ માંડ પોતાના પરિવારનું ગુજરાન ચલાવી રહ્યા છે. એવામાં તેમની દીકરી અચાનક બીમાર પડી અને દીકરીને બ્રેઈન ટ્યૂમર હોવાનું જાણવા મળ્યું. આ જ કારણોસર તેઓનો પરિવાર ભાંગી પડ્યો છે. સગા સંબંધીઓએ થોડી મદદ કરી છે પરંતુ હજુ કેટલીક આર્થિક સહાયની જરૂર છે. આ જ કારણે તેઓ અને તેમના પરિવારજનોએ દીકરીની સારવાર માટે મદદનો હાથ લંબાવ્યો છે.
મૂળ સુરેન્દ્રનગરના વઢવાણ તાલુકાના ખારવા ગામની 11 વર્ષની દ્રષ્ટી મહેશભાઈ પટેલ તાજેતરમાં જ ખૂબ બીમાર પડી. સ્થાનિક ડૉક્ટર પાસે સારવાર કરાવ્યા બાદ પણ તેની તબિયતમાં સુધારો ન થયો એટલે મોટા ડૉક્ટરને બતાવ્યું. જ્યાં કેટલાક રિપોર્ટ બાદ જાણવા મળ્યું કે દીકરીને બ્રેઈન ટ્યૂમર છે. બંને મગજ વચ્ચે ગાંઠ છે. આ સાંભળતા જ પરિવારના પગ નીચેથી જમીન ખસી ગઈ. જો કે, દીકરીને બચાવવા માટે પરિવાર કંઈ પણ કરવા તૈયાર હતો.
ડૉક્ટરની સલાહ મુજબ તેઓ અમદાવાદની અપોલો હોસ્પિટલમાં દ્રષ્ટીને લઈને આવ્યા. હાલ દીકરી હોસ્પિટલના બીછાને પડી છે અને પરિવાર રૂપિયા એકઠાં કરવામાં લાગી ગયો છે. આ માટે તેમણે સોશિયલ મીડિયા પર એક અપીલ કરી છે અને યથાશક્તિ ડોનેશન માટે વિનંતી કરી છે.
https://www.impactguru.com/fundraiser/help-drashti-pedhadiya
તાજેતાજો ઘાણવો
- રાજ્ય સરકારના કર્મચારીઓના મોંઘવારી ભથ્થામાં વધારો
- ઊના: સૈયદ રાજપરામાં થયેલી ઘરફોડ ચોરીનો ભેદ ઉકેલાયો, પાડોશી મહિલાએ જ કરી કળા !
- સુરેન્દ્રનગરમાં સી.યુ. શાહ ટી.બી. હોસ્પિટલની બેદરકારીના કારણે દીકરીનો જીવ ગયો હોવાનો આરોપ
- મોરબીના મચ્છુ-3 ડેમમાં માતા-પુત્રીએ ઝંપલાવ્યું, દીકરીનું મોત
- દુષ્કર્મના કેસના આરોપી જૈન મુનિને સુરત કોર્ટે ફટકારી 10 વર્ષની સજા
