Team Chabuk-Gujarat Desk: અમદાવાદ શહેરમાં વહેલી સવારથી જ આવક વેરા વિભાગે સપાટો બોલાવ્યો છે. અમદાવાદ શહેરમાં સવારથી જ આવક વેરા વિભાગે શરૂ કરેલી દરોડાની કાર્યવાહીથી ખળભળાટ મચી ગયો છે. અમદાવાદ શહેરમાં પાઇપ બનાવતી નામાંકિત કંપની એસ્ટ્રલ (ASTRAL) પર આવક વેરા વિભાગે દરોડા પાડ્યા છે. સિંધુ ભવન રોડ પર આવેલી એસ્ટ્રલ કંપનીની ઓફિસ પર દરોડા પાડવામાં આવ્યા છે અને કંપનીની આસપાસ પોલીસ સ્ટાફ તૈનાત કરાયો છે. આવક વેરા વિભાગે દરોડા પાડીને સર્ચ ઓપરેશન હાથ ધર્યું છે.
મળતી માહિતી પ્રમાણે, એસ્ટ્રલ (ASTRAL) કંપની પાઇપ બનાવતી મોટી કંપની છે. આ સિવાય અમદાવાદમાં આજે વહેલી સવારે આવક વેરા વિભાગના મેગા સર્ચ ઓપરેશનમાં ગુજરાતનાં બે નામાંકિત ગ્રુપો પર તવાઇ બોલાવાઈ છે. આજે એસ્ટ્રલ અને રત્નમણિ મેટલ્સ પર દરોડા પાડવામાં આવ્યા છે. જાણવા મળી રહ્યું છે કે કુલ 40 જગ્યાએ આવક વેરા વિભાગ ત્રાટકયું છે. જેના ભાગરૂપે ITના મેગા ઓપરેશનનું સર્ચ ઓપરેશન અમદાવાદ, મુંબઇ, દિલ્હી સહિતના શહેરોમાં તપાસ આરંભાઈ છે.
અમદાવાદમાં એક સાથે 25 જગ્યા પર રેડ કરવામાં આવી રહી છે. એસ્ટ્રલ પાઇપના ચેરમેન સંદિપ એન્જિનિયરને ત્યાં પણ તપાસ કરવામાં આવી છે. રત્નમણિના ચેરમેન પ્રકાશ સંઘવીને ત્યાં પણ દરોડા પડતા ખળભળાટ મચી ગયો છે. બંને કંપનીનાં અન્ય ડાયરેકટરોને ત્યાં પણ તપાસ કરવામાં આવી રહી છે. ગુજરાત બહાર 15 જગ્યાએ સર્વે અને સર્ચ ઓપરેશન હાથ ધરવાની પ્રક્રિયા ચાલું છે. આવક વેરા વિભાગના 150થી વધુ અધિકારીઓ આ તપાસમાં જોડાયા છે. બંને કંપની સાથે સંકળાયેલા મોટા માથાના નામ ખૂલવાની શક્યતા છે. આવક વેરા વિભાગને મોટાપાયે બેનામી વ્યવહારો મળે તેવી આશંકા વ્યક્ત કરાઈ છે. મળેલી માહિતી પ્રમાણે આ કાર્યવાહીમાં આવક વેરા વિભાગની ચાર ટીમ લાગી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 પર આવક વેરા વિભાગે દરોડા પાડ્યા છે.){kind=link}