Team Chabuk-Gujarat Desk: ‘આંતરરાષ્ટ્રીય મહિલા દિવસ’ નજીક છે ત્યારે મહિલા અને બાળ વિકાસ વિભાગ, ગુજરાત સરકાર અને જિલ્લા વહીવટીતંત્ર રાજકોટ દ્વારા કલેકટર કચેરી ખાતે ડ્રોઈંગ સ્પર્ધાનું આયોજન કરવામાં આવ્યું હતું. જેમાં જિલ્લા કલેકટર અરુણ મહેશ બાબુએ પેઇન્ટિંગ કરતા કલાકારોના ચિત્રો નિહાળી તેમને બિરદાવ્યા હતા. સ્પર્ધામાં અંદાજીત ૮૦થી વધુ ચિત્રકારોએ ભાગ લીધો હતો. જેમાં નાના બાળકો અને વયસ્ક ચિત્રકારોનો પણ સમાવેશ કરવામાં આવ્યો હતો.
કલેક્ટર કચેરી ખાતે આગામી તા. ૮ માર્ચ આંતરરાષ્ટ્રીય મહિલા દિવસ નિમિત્તે યોજાયેલ ચિત્ર સ્પર્ધામાં એક સાસુ-વહુની જોડીએ પણ લોકોને આશ્ર્ચર્યચકિત કરી દીધા હતા. ભારતીબેન પાટલીયા, જેઓને કોઈ દીકરી નથી, પરંતુ તેઓ પોતાની પુત્રવધૂને પુત્રવધૂ તરીકે નહીં, પણ સગી દીકરીની જેમ સાચવે છે. તેથી તેઓ પણ પોતાની દીકરીને ચિત્ર સ્પર્ધામાં સપોર્ટ આપવા આવી પહોંચ્યા હતા.
આપણે ત્યાં જ્યારે સાસુ અને વહુનું નામ આવે ત્યારે 36નો આંકડો યાદ આવી જાય પણ ચિત્રકામ સ્પર્ધામાં તેનાથી તદ્દન વિપરિત દૃશ્ય જોવા મળ્યું હતું. સાસુ ભારતીબેન જણાવ્યું કે, ફેશન ડિઝાઇનિંગ અને ચિત્રકામ એ મારી દીકરીનો શોખ છે, તેને પ્રોત્સાહન આપવું જરૂરી છે. દીકરી હોય કે વહુ, તેને તેના શોખ અંગે પ્રોત્સાહન ન આપીએ તો એ મોટો અન્યાય છે અને મારી વહુ માત્ર કલાની બાબતોમાં જ નહીં ઘરકામ, સામાજિક જવાબદારી એમ બધી બાબતોમાં અવ્વલ છે.
ચિત્રકામ કરતાં કરતાં ક્રિષ્નાબેન પાટલીયા કહ્યું હતું કે, ભારતીબેન એ મારા સાસુમાં નહીં, પણ મારા સાચા માતા છે. હું ખૂબ ભાગ્યશાળી છું કે મને દરેક બાબતે આટલો સારો સપોર્ટ આપનારા સાસુ મળ્યા છે. તમામ બાબતોમાં મને દિકરીની જેમ સાચવે છે. મારા શોખને પુરા કરવા માટે પ્રોત્સાહન પણ પુરુ પાડે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
