Team Chabuk-Gujarat Desk: રાજકોટ ખાતે સૌરાષ્ટ્ર યુનિવર્સિટીનો ૫૬મો પદવીદાન સમારોહ યોજાયો હતો. સરકારની કોરોના ગાઈડલાઈનના ચુસ્ત પાલન સાથે યોજાયેલા પદવીદાન સમારોહમાં સૂવર્ણપદક મેળવનાર ૧૪ વિદ્યાશાખાના કુલ ૧૦૭ વિધાર્થીઓ ઉપસ્થિત રહ્યા હતા.
મેડિકલમાં અભ્યાસ કરતી જામનગરની એમ. પી.શાહ ગવર્મેન્ટ કોલેજની યશસ્વી વિધાર્થિની ખુશી દેસાઈએ સૌથી વધારે કુલ ૮ ગોલ્ડ મેડલ મેળવ્યા હતા. તેણે એમ.બી.બી.એસ.ના અભ્યાસમાં તમામ વિષયમાં સૌથી વધારે માર્કસ મેળવી અને પ્રથમ સ્થાન મેળવ્યું હતું. જે પૈકી તેમણે મહત્તમ માર્કસ સર્જરી અને મેડિસીન વિષયમાં મેળવ્યા છે.
હાલમાં તેઓએ પોતાનો એમ.બી.બી.એસ.નો અભ્યાસ પૂર્ણ કરીને જામનગર ખાતે જી.જી.હોસ્પિટલમાં ઈન્ટર્નશીપ કરી રહ્યા છે. તેમની ઈન્ટર્નશીપ કોરોનાની પ્રથમ લહેરથી શરૂ થઈ હતી જેમાં તેઓએ ડોક્ટર તરીકે પોતાની ફરજ બજાવી હોવાનું જણાવ્યું હતું.
૮ પદક મેળવવા માટેની સફરમાં અને સર્વાધિક ગુણ મેળવવામાં માતા પિતા, શિક્ષકો, પરિવારજનોએ સહયોગ અને પ્રેરણા પૂરી પાડીને સિદ્ધિ હાંસલ કરવામાં મદદ કરી છે. તે બધાની હું ખુબ ઋણી છું, તેમ ખુશી દેસાઈએ જણાવ્યું હતું.
તાજેતાજો ઘાણવો
- IPL 2024: આ બે ટીમ બહાર, DC, GT અને PBKS પર લટકતી તલવાર, આ રહ્યા IPLના સમીકરણ
- T-20 World Cup માટે ભારતીય ટીમની જાહેરાત, જાણો કોને મળ્યું ટીમમાં સ્થાન
- બજારમાં આવી રહી છે બજાજની સૌથી હેવી PULSAR 400, પહેલી તસવીર આવી સામે
- મહિસાગરઃ બે સગા ભાઈ બન્યા કાળનો કોળિયો, અજાણ્યા વાહને મારી ટક્કર
- હેપ્પી બર્થ ડે હિટમેનઃ રોહિત શર્મા 37 વર્ષનો થયો, પત્ની સાથે ઉજવ્યો જન્મદિવસ