Team Chabuk-Gujarat Desk: નાના બાળકોમાં જોવા મળતી અને ગંભીર ગણાતી SMA-1 સ્પાઈન મસ્ક્યુલર એકટ્રોફી નામની બીમારીના કારણે અનેક બાળકો પીડાઈ રહ્યા છે. ત્યારે ગુજરાતમાં વધુ એક આવો કિસ્સો સામે આવ્યો છે. જૂનાગઢના માણાવદર તાલુકાના રોણકી ગામના 6 મહિનાના બાળકમાં આ બીમારી જોવા મળતાં પરિવારજનો ચિંતામાં ગરકાવ થઈ ગયા છે અને બાળકની સારવાર માટે 16 કરોડ રૂપિયાની કિંમતના ઈન્જેક્શનની જરૂર હોય આ સામાન્ય પરિવારે લોકો સમક્ષ મદદ માટેની અપીલ કરી છે.
જૂનાગઢ જિલ્લાના માણાવદર તાલુકાના રોણકી ગામના અશોકભાઈ પાલાભાઈ પરમાર જેઓ ખેતીકામ કરીને પોતાના પરિવારનું ગુજરાન ચલાવી રહ્યા છે. તેમના 6 મહિનાના બાળક અયાનને SMA-1 નામની ગંભીર બીમારી હોવાનું નિદાન થતાં પરિવારના પગ તળેથી જમીન સરકી ગઈ હતી. કેમ કે એક સામાન્ય પરિવારને દીકરાની સારવાર માટેનો આટલો મોટો ખર્ચ કરવો પડે તે પોસાય તેમ નથી. ત્યારે અશોકભાઈ પરમારે પોતાના દીકરા અયાનની સારવાર માટે જે 16 કરોડ રૂપિયાના ઈન્જેક્શનની જરૂર પડે છે તે માટે સહાય કરવા માટે જનતા સમક્ષ અપીલ કરી છે.
અશોકભાઈ પરમારે સેવાભાવી સંસ્થાઓ અને એનજીઓ પાસેથી આર્થિક મદદની આશા સાથે ગુહાર લગાવી છે અને પોતાના દીકરાની જિંદગી બચાવવા માટે લોકો પણ આગળ આવે તેવી અપીલ કરી છે. જો આપ પણ અશોકભાઈ પરમારના પરિવારને મદદ કરવા ઈચ્છતા હોય તો નીચે આપેલી ઈમેજમાં બેંકની માહિતી આપી છે અને ક્યુઆર કોડ પણ આપેલો છે જેના દ્વારા તમે આર્થિક મદદ કરી શકો છો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
