Team Chabuk-Gujarat Desk: ગિરના સાવજો માણસો પ્રત્યે પ્રેમભર્યો વ્યવહાર દાખવે છે એવી વાતો થતી રહેતી હોય છે. માણસ પર હુમલો કરવાની જગ્યાએ નજીકમાંથી બિલાડીની જેમ પસાર થઈ જતા સિંહના કેટલાય વીડિયો પણ ઈન્ટરનેટની દુનિયામાં ઘુમી રહ્યા છે, પણ અંતે જાનવર એ જાનવર છે. માંગરોળમાં આજક ગામમાં ખેતરમાં પાણી વાળતી વખતે એક યુવાન પર સાવજે જીવલેણ હુમલો કર્યો હતો. ઈજાગ્રસ્ત યુવાનને સારવાર અર્થે હોસ્પિટલ ખસેડવામાં આવ્યો હતો.
ઘટનાની પ્રાપ્ત વિગતો મુજબ જૂનાગઢ જિલ્લાના માંગરોળ તાલુકાના આજક ગામના ખેડૂત યાકુબભાઈ યુસુફભાઈ બેલીમ વહેલી સવારમાં પોતાના ખેતર પાસે ઘઉંમાં પાણી વાળી રહ્યા હતા. કામમાં તલ્લીન યાકુબભાઈને અણસાર પણ નહોતો કે તેમની આસપાસ શું છે? ત્યાં ક્યાંકથી સાવજ આવી ચડ્યો હતો અને તે પીડિત યાકુબભાઈની નજરમાં નહીં. યાકુબ ભાઈ પર તેણે હુમલો કરતા એમને શરીરમાં ઠેર ઠેર ઈજા પહોંચી હતી.
ઈજાગ્રસ્ત યુવાનને પ્રથમ માધુપુર અને બાદમાં કેશોદ ખાતે વધુ સારવાર અર્થે ખસેડવામાં આવ્યો હતો. ઘટનાની માહિતી વન વિભાગને મળતા વન વિભાગનો સ્ટાફ પણ ત્યાં પહોંચી ગયો હતો અને હુમલો કરનારા સિંહનું લોકેશન શોધવા માટેની કામગીરી હાથ ધરી હતી. ખેડૂત પર હુમલો થયાની જાણ થતાં આજકા ગામની આસપાસના ખેડૂતોમાં પણ ફફડાટ વ્યાપી ગયો છે અને ખેતરમાં આવી ચઢતા હિંસક પશુઓને ખસેડવાની તેમણે માગણી કરી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
