Team Chabuk-Gujarat Desk: રાજકોટ જિલ્લા ચૂંટણી તંત્ર દ્વારા જિલ્લાના આઠેય વિધાનસભા વિસ્તારોમાં મતદારોની સંખ્યા સહિતની વિગતો જાહેર કરવામાં આવી છે. જે મુજબ રાજકોટ જિલ્લામાં 10 ઓક્ટોબર 2022ની સ્થિતિએ કુલ 23,05,601 મતદારો નોંધાયા છે. જેમાં 11,96,011 પુરુષ મતદારો તથા 11,09,556 સ્ત્રી મતદારો નોંધાયેલા છે. આ ઉપરાંત જિલ્લામાં થર્ડ જેન્ડર શ્રેણીમાં 34 મતદાતાઓ નોંધાયેલા છે. રાજકોટ જિલ્લામાં 80 વર્ષથી ઉપરના વરીષ્ઠ નાગરીકોની સંખ્યા 52238 જેટલી છે તેમજ દિવ્યાંગ મતદારો 15633 જેટલા છે.
રાજકોટ શહેરની ચાર વિધાનસભા બેઠક ઉપર કેટલા મતદારો ?
આ મતદારોની સંખ્યા વિધાનસભા વિસ્તાર પ્રમાણે જોઈએ તો, 68 રાજકોટ પૂર્વમાં 1,56,315 પુરુષ 1,40,889 સ્ત્રી મતદારો જ્યારે 2 થર્ડ જેન્ડર મળીને કુલ 2,97,206 મતદારો નોંધાયા છે. 69 રાજકોટ પશ્ચિમમાં 1,79,559 પુરુષ મતદારો 1,74,382 મહિલા મતદારો 6 થર્ડ જેન્ડર મતદારો મળીને કુલ 3,53,947 મતદારો નોંધાયા છે. 70 રાજકોટ દક્ષિણમાં 1,32,933 પુરુષ મતદારો 1,25,736 સ્ત્રી મતદારો 4 થર્ડ જેન્ડર મતદારો મળીને કુલ 2,58,673 મતદારો નોંધાયા છે. 71 રાજકોટ ગ્રામ્ય (અનુસૂચિત જાતિ) વિધાનસભા વિસ્તારમાં 1,92,763 પુરુષ મતદારો, 1,74,186 સ્ત્રી મતદારો તથા 7 થર્ડ જેન્ડર મતદારો મળીને ૩,૬૬,૯૫૬ મતદારો નોંધાયા છે.
ગ્રામ્યની ચાર વિધાનસભામાં કુલ કેટલા મતદારો ?
આ ઉપરાંત આ મતદારોની સંખ્યા 72 જસદણ ક્ષેત્રમાં 1,34,011 પુરુષ 1,22,677 સ્ત્રી તથા 1 થર્ડ જેન્ડર મળીને કુલ 2,56,289 મતદારો નોંધાયા છે. 73 ગોંડલ ક્ષેત્રમાં 1,18,218 પુરુષ 1,10,212 સ્ત્રી તથા 8 થર્ડ જેન્ડર મળીને કુલ 2,28,438 મતદારો નોંધાયા છે. 74 જેતપુર વિધાનસભા ક્ષેત્રમાં 1,43,504 પુરુષ 1,32,108 સ્ત્રી તથા 5 થર્ડ જેન્ડર મળીને કુલ 2,75,617 મતદારો નોંધાયા છે. 75 ધોરાજી વિધાનસભા વિસ્તારમાં 1,38,708 પુરુષ 1,29,766 સ્ત્રી તથા 1 થર્ડ જેન્ડર મળીને કુલ 2,68,475 મતદારો નોંધાયા છે.
નવા અરજદારોને ઘર બેઠા તેમનું ચૂંટણીકાર્ડ મળી રહેશે
તા.10/10/22 બાદ ૫ણ મતદાર યાદી સતત સુધારણા ચાલુ છે. જે મુજબના નવા અ૫ડેટ થયા બાદ મતદારયાદી રોલ પ્રસિદ્ધ થશે. જેમાં નવા ઉમેરાયેલા મતદારો સાથેની વિગતો જાહેર કરવામાં આવશે. રાજકોટ જિલ્લામાં તા.10/10/2022 પહેલા જે અરજદારોએ મતદારયાદીમાં તેઓનું નામ દાખલ કર્યું છે તેવા 75,753 જેટલા અરજદારોને પોસ્ટ મારફત ચૂંટણી કાર્ડ ઘરબેઠા મળી રહેશે. રાજકોટ જિલ્લામાં ચૂંટણી કાર્ડ ટૂંક સમયમાં પોસ્ટ મારફત વિતરીત થઈ જશે, તેમ જિલ્લા ચૂંટણી તંત્રની યાદીમાં જણાવાયું છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
