Team Chabuk-Gujarat Desk: રાજ્યમાં છેલ્લા કેટલાક મહિનાઓથી હાર્ટ એટેકથી મોતના બનાવો વધ્યા છે. દરરોજ ગુજરાતમાં સરેરાશ 10થી વધુ લોકોના મોત હાર્ટ એટેકના કારણે થઈ રહ્યા છે. સ્વસ્થ લાગતો વ્યક્તિ પળવારમાં મોતને ભેટી રહ્યો છે. ત્યારે મોરબીમાં હાર્ટ એટેકથી એક શિક્ષકનું મોત થયું છે. નાની વાવડી ગામના શિક્ષકને હાર્ટ એટેક આવતા તેઓનું મોત નિપજ્યું છે. શિક્ષકના મોતથી શાળા અને પરિવારજનોમાં શોકનું મોજું ફરી વળ્યું છે.
મળતી માહિતી પ્રમાણે મૂળ ખરેડા ગામના અને હાલ નાની વાવડી ગામે આવેલા ભૂમિ ટાવરમાં રહેતા દીપકભાઈ દલપતભાઈ વૈષ્ણવ ગઈકાલ રાત્રે બેડમિન્ટન રમ્યા હતા. બેડમિન્ટન રમ્યા બાદ દીપકભાઈ વૈષ્ણવની તબિયત અચાનક ખરાબ થતા તેનું મોત નિપજ્યું હતું. તબિયત ખરાબ થતાં દીપકભાઈને સારવાર માટે નજીકના દવાખાને લઇ જવામાં આવતા ડોકટરે તપાસી હાર્ટ એટેક આવ્યો હોવાની માહિતી આપી હતી. દીપકભાઈ દલપતરામ વૈષ્ણવ (ઉ.વ. 46) વાવડી ગામે આવેલી ઉચ્ચતર માધમિક શાળામાં શિક્ષક તરીકે ફરજ બજાવતા હતા. શિક્ષકના મૃત્યુને પગલે મોરબી શિક્ષણ જગત અને પરિવારજનોમાં શોકનું મોજું ફરી વળ્યું છે.
તાજેતાજો ઘાણવો
- અમદાવાદમાં જિન્સ બનાવતી કંપનીમાં ટાંકીમાં ઉતરેલા ત્રણ યુવકોના મોત
- ધોરણ 10નું 83.08 ટકા પરિણામ જાહેર, બનાસકાંઠાએ મારી બાજી
- આતંકી મસૂદ અઝહરના પરિવારનો ખાત્મો, મસૂદે કહ્યું- હુમલામાં હું પણ મરી ગયો હોત તો સારું થાત
- ઓપરેશન સિંદૂરઃ પાકિસ્તાનમાં 9 સ્થળે એરસ્ટ્રાઈક, અનેક આતંકી માર્યા ગયાની આશંકા
- રાજકોટમાં ખોડલધામ યુવા પ્રિમિયર લીગ (KYPL)નો દબદબાભેર પ્રારંભ
