Team Chabuk-Gujarat Desk: જૂનાગઢ-સોમનાથ હાઈવે પર વેરાવળ નજીક એક કાર અકસ્માતના સીસીટીવી ફૂટેજ સામે આવ્યા છે. જોકે આ સીસીટીવી ફૂટેજ ત્યાંના જ છે તેવી ચોક્કસ માહિતી નથી મળી રહી, કારણ કે હજુ સુધી આ અંગેની સંપૂર્ણ વિગતો સામે નથી આવી. આ સીસીટીવીને જોનારાઓના જીવ તાળવે ચોંટી જાય છે અને એક જ વાત મનમાં વિચરતી રહે છે કે અંદર રહેલા ડ્રાઈવરનું શું થયું હશે? ડ્રાઈવરની સાથે અન્ય કોઈ વ્યક્તિ હશે તો તેનું શું થયું હશે? આ અકસ્માત કંઈ સામાન્ય નથી. જાણે રોહિત શેટ્ટીની ફિલ્મનું શૂટિંગ ચાલતું હોય અને દિલધડક સ્ટન્ટ થઈ રહ્યો હોય એવું આ દૃશ્ય છે.
જોતજોતામાં રમકડાંની જેમ કાર એક બાજુના રોડ પરથી ડિવાઈડર ઉપર ચડી ત્યાંથી સામેના રોડ પર ચાલી જાય છે અને પછી ફૂટબોલના દડાની માફક ગોથા ખાવા લાગે છે. ધૂળના ગોટેગોટા ઉડવા લાગે છે. કાર એક બે નહીં કુલ સાત ગોથા ખાય છે. આસપાસમાં નાળિયેરીના મોટા મોટા વૃક્ષો છે. જોકે કોઈ અન્ય વાહન તેની ઝપેટમાં આવ્યું હોવાના સમાચાર નથી. આ એક્શન દૃશ્યોએ થોડી વાર માટે આસપાસના લોકોની આંખો વિસ્ફારીત કરી દીધી હતી.
જૂનાગઢ-સોમનાથ હાઈવે પર કાર અકસ્માતના cctv આવ્યા સામે#junagadh #somnath #car #ACCIDENT pic.twitter.com/Hv21BFtXgo
— thechabuk (@thechabuk) February 13, 2022
કાર બરાબર જ ચાલી રહી હતી, પણ અચાનકથી ડ્રાઈવરે કાબુ ગુમાવતા એ જમણી બાજુથી ડાબી બાજુ તરફ ડિવાઈડર પર ઉપર ચડી ગઈ. પોલીસ ફરિયાદ નોંધાઈ ન હોવાના કારણે અકસ્માતનું પરફેક્ટ સ્થળ કયું છે તેની માહિતી હાથ લાગી નથી. જોકે આ અકસ્માતે ભલભલાની છાતીના ધબકારા વધારી દીધા હોય તેમાં અતિશ્યોક્તિ નથી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
