Team Chabuk-Gujarat Desk: રાજ્યમાં આત્મહત્યાના બનાવો વધી રહ્યા છે. ત્યારે રાજકોટમાં વધુ એક યુવતીએ ગળે ફાંસો ખાઈને આત્મહત્યા કરી લીધાના સમાચાર સામે આવ્યા છે. રાજકોટમાં મહિલા ડોક્ટરે ફાંસો ખાઈને આત્મહત્યા કરી લેતા ચકચાર મચી જવા પામી છે. આત્મહત્યા કરનાર મહિલા ડોક્ટર રાજકોટ શહેરની જાણીતી ખાનગી હોસ્પિટલમાં ફરજ બજાવતી હતી.
મળતી માહિતી પ્રમાણે, 25 વર્ષીય બિંદિયા નામની મહિલા ડોક્ટરે આત્મહત્યા કરી લીધી છે. મહિલા ડોક્ટર માધાપર ચોકડી નજીક આવેલા અતુલ્ય એપાર્ટમેન્ટમાં રહેતી હતી અને તેણીએ ત્યાં ઘરે જ ફાંસો લગાવીને મોતને વ્હાલું કરી લીધું છે. આત્મહત્યાની જાણ થતાં જ પોલીસ ઘટના સ્થળે પહોંચી હતી. મહિલા ડોક્ટર પાસેથી એક સ્યૂસાઈડ નોટ પણ મળી આવી છે જેમાં તેણે પોતાની મરજીથી આત્મહત્યા કરી હોવાનો ઉલ્લેખ કર્યો છે.
આત્મહત્યા કરનાર મહિલા ડોક્ટર બિંદિયા રાજકોટ શહેરની જાણીતી ખાનગી હોસ્પિટલ સિનર્જી હોસ્પિટલમાં ઈમરજન્સી વિભાગમાં ફરજ બજાવતા હતા. ત્યારે હોસ્પિટલના ડોક્ટરો અને અન્ય સ્ટાફમાં પણ શોકનો માહોલ જોવા મળી રહ્યો છે. પરિવારને જાણ થતાં પરિવારના પગ તળેથી જમીન સરકી ગઈ છે. હાલ પોલીસે ફોરેન્સિક પોસ્ટમોર્ટમ કરીને આગળની તપાસ હાથ ધરી છે. આત્મહત્યાનું સાચું કારણ જાણવા માટે પોલીસ વિવિધ દિશામાં તપાસ કરી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
