Team Chabuk-Gujarat Desk: રાજકોટ શહેરમાં ખોડિયાર હોટેલ નજીક સર્વિસ રોડ પર ટેમ્પોવાહનની ઠોકરે એક્ટીવા ચડી જતાં ચાલક કાંગશીયાળીની સીમમાં રહેતાં વૃધ્ધ અને પાછળ બેઠેલા તેમના દિકરીને ઇજા થઇ હતી. સારવાર દરમિયાન આ વૃધ્ધે દમ તોડી દેતાં પરિવારમાં શોક છવાઇ ગયો હતો. પોલીસની પ્રાથમિક તપાસમાં સામે આવ્યું હતું કે પિતા-પુત્રી રાજકોટ ગયા હતા અને ત્યાંથી ઘરે પરત જતાં હતાં ત્યારે આ બનાવ બન્યો હતો.
કાંગશીયાળીની સીમમાં આસ્થા ગ્રીનસીટી સોસાયટી બલોક નં.137માં દિકરી, જમાઇ સાથે રહેતાં દિપકભાઇ લીલાધરભાઇ દવે (ઉ.વ.64) ગઇકાલે એક્ટીવા જીજે 03 એફપી 9456માં દિકરીને બેસાડી રાજકોટ પેમેન્ટના કામ માટે આવ્યા હતાં. રાજકોટથી બંને પરત કાંગશીયાળી ઘરે જતા હતાં ત્યારે ગોંડલ રોડ ખોડિયાર હોટેલથી આગળ કલ્પન સોસાયટી તરફ જવાના રસ્તે ટોયોટાના શો રૂમ સામે સર્વિસ રોડ પર પહોંચતા ટાટા 407 વાહન નં. જીજે 03 બીવાય 3993ના ચાલકે એક્ટીવાને ચક્કર મારી હતી.
આ ટક્કરથી એક્ટીવાના ચાલક દિપકભાઇ અને પાછળ બેઠેલા દિકરી રિધ્ધીબેન ફંગોળાઇ જતાં ઇજાઓ થઇ હતી. જેમાં ગંભીર ઇજાગ્રસ્ત દિપકભાઇ દવેને રાજકોટ સિવિલમાં ખસેડાયા હતાં. પરંતુ અહિ સારવાર દરમિયાન મોત નિપજતાં પરિવારમાં શોક છવાઇ ગયો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
