Team Chabuk-Gujarat Desk: ઠેક ઠેકાણે નોકરી પર રાખ્યાં પછી શોષણ કરી ઘરની ધોરાજી ચલાવતા કહેવાતા કેટલાક મુખિયાઓનો રાફડો ફાટ્યો છે. કેટલીક વખત શોષણની ખબરો પોલીસ મથકે નોંધાઈ છે, તો બહુમતીમાં એવું થાય છે કે જે તે વ્યક્તિ શોષણનો ભોગ બનતી રહે છે, પણ જવાબદારીના કારણે પોતાનું મોઢું નથી ખોલતી. એમાંય કામ કરવાના સ્થળે યુવતી હોય તો તેને વધારે સતર્ક રહેવું પડે છે. રાજકોટના 150 ફૂટ રિંગ રોડ પર, રિલાયન્સ મોલમાં આવેલ ડોમિનોઝ પિઝાનો પરપ્રાંતિય ઢગો મેનેજર ઉમેશ શર્મા, યુવતીને લગ્નની લાલચ આપી, હવસ સંતોષી રફુચક્કર થઈ ગયો છે.
ઘટનાની પ્રાપ્ત વિગતો કંઈક એવી છે કે માંગરોળની રહેવાસી આ યુવતી ઉપર પરિવાર અને પૈસા કમાવવાની આમ બેઉં તરફી જવાબદારી હતી. આજથી દોઢ વર્ષ પહેલા તે રાજકોટમાં આવી હતી. અહીં ડોમિનોઝ પીઝામાં તેને નોકરી મળી ગઈ હતી. ગાંધીગ્રામ વિસ્તારમાં આવેલ રાવલનગરમાં રહેતી અને પૈસા કમાઈ ગુજરાન ચલાવતી હતી. યુવતી જ્યાં નોકરી કરતી ત્યાંનો મેનેજર પરપ્રાંતિય ઉમેશ શર્મા હતો. જે મૂળ ઉત્તર પ્રદેશનો છે.
આ ઉમેશની નજર યુવતી ઉપર બગડી હતી અને કામ હોય કે ન હોય તે યુવતીને પોતાની પાસે વારંવાર બોલાવી અડપલાં કરતો હતો. શૈતાને યુવતીને એક વખત રિલાયન્સ મોલના કોલ્ડરૂમમાં બોલાવી હતી અને ત્યાં તેનાં શરીર સાથે રમત રમી હતી. યુવતીએ વિરોધ નોંધવતા ઉમેશે યુવતીને નોકરી પરથી કાઢી મૂકવાની ધમકી આપી હતી. જેથી યુવતી મૂંઝાઈ ગઈ હતી.
ઉમેશે પહેલા તો યુવતીને પોતાનો નેક ઈરાદો આપી કહ્યું હતું કે, હું તારી સાથે લગ્ન કરીશ અને બાદમાં તેણે એક વર્ષ સુધી યુવતીના દેહને પીંખ્યો હતો. આ સમગ્ર ઘટનામાં રાજકોટની માલવિયાનગર પોલીસે યુવતીના નિવેદનના આધારે ફરિયાદ નોંધી છે અને આરોપી પર દુષ્કર્મ અને એટ્રોસિટીનો ગુનો દાખલ કરી તેની ધરપકડ કરવા ચક્રો ગતિમાન કર્યા છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
